Það koma vonandi jól

Það koma vonandi jól
(Lag / texti: erlent lag / Bragi Valdimar Skúlason)

Allflestar útgönguspár
eru á eina lund, þetta var skelfilegt ár.
Hér út við heimskautsins baug
hnípin þjóð – þráðbeint á höfuðið flaug.
Allt þetta útrásarpakk
át á sig gat svo loftbólan sprakk.
Nú eru lífskjörin skert, mannorðið svert,
hvað hafið þið gert?

Það koma vonandi jól með hækkandi sól.
Við skellum könnu‘ upp á stól og Sollu í kjól.
Þrátt fyrir allt, þrátt fyrir verðbólguskot
– þjóðargjaldþrot.

Við áttum íbúð og Bens
og orlofshús. Allt meikaði sens.
Góðgerðir gáfum og blóð,
greiddum í dulítinn séreignarsjóð.
En nú er allt þetta breytt
og eftir er nákvæmlega ekki neitt.
Já nú er útlitið dökkt, ljósið er slökkt
og við erum fökkt.

Það koma vonandi jól með hækkandi sól.
Þó vanti möndlu í graut og amerískt skraut.
Þrátt fyrir allt, þrátt fyrir háðung og smán
– myndkörfulán.

Það koma vonandi jól með hækkandi sól.
Við étum á okkur gat af innlendum mat.
Og þrátt fyrir allt, misnotum sykur og salt.

Það koma koma vonandi jól með hækkandi sól.
Við krössum afmælið hans – heimslausnarans.
Því að þrátt fyrir allt drekkum við mysu í malt.

[af plötunni Baggalútur – Næstu jól: 11 ástsæl aðventu- og hátíðarlög]