Léttur yfir jólin

Léttur yfir jólin
(Lag / texti: erlent lag / Jónas Friðrik Guðnason)

Hann Jón okkar granni er jólasveinn víst
þó Jón sé ei glaðlyndur oft.
Í brjóstunum hátíð svo heiftarleg brýst
að hann fer bara‘ allur á loft.
Jón á jólum
er Jón sem er á hjólum.
Jafnvel konuna kyssir þá.
Kátur yfir jólin.

Og þá vill ei herra sjá hamsa og tros
sem hakkar hann árið um kring.
En steikur og rauðkál og rauðvín og bros
og risnu og gjafir og swing!
Í sig treður.
Alveg í munaði veður.
Lyftir glasi og gerist hýr.
Glaður yfir jólin.

Og dýrustu gjafir hann börnunum ber
því barnanna hátíð er víst.
En flaskan hans prúða í ísskápnum er
og oft hana að finna karl skýst.
Kertin glansa,
karl fer um tréð að dansa.
Lengi krakkana leikur við.
Ljúfur yfir jólin.

Er krakkarnir hátt og konan í ró
með kerlingajólabók fer,
er Jón enn á stjái því Jón fær ei nóg
af jólunum, gleði og sér.
Koma dagar,
karl þegar samviskan nagar.
Lengi dreymir því ljúfa stund.
Léttur yfir jólin.

[m.a. á plötunni Jólastjörnur – ýmsir]