Sjá, himins opnast hlið

Sjá, himins opnast hlið
(Lag / texti: höfundur ókunnur / Björn Halldórsson frá Laufási)

Sjá, himins opnast hlið,
heilagt englalið,
fylking sú hin fríða
úr fagnaðarins sal,
fer með boðun blíða
og blessun lýsa skal
yfir eymdardal.
Yfir eymdardal.

Í heimi‘ er dimmt og hljótt,
hjarðmenn sjá um nótt
ljós í lofti glæðast,
það ljós Guðs dýrðar er,
hjörtu þeirra hræðast,
en Herrann engill tér:
„Óttist ekki þér.
Óttist ekki þér.“

Með fegins fregn ég kem:
Fæðst í Betlehem
blessað barn það hefur,
er birtir Guð á jörð,
frið og frelsi gefur
og fallna reisir hjörð.
Þökk sé Guði gjörð.
Þökk sé Guði gjörð.

Á hæstri hátíð nú
hjartafólgin trú
honum fagni‘ og hneigi,
af himni‘ er kominn er,
sál og tunga segi
með sælum englaher:
„Dýrð sé, Drottinn, þér.
Dýrð sé, Drottinn, þér.“

[m.a. á plötunni Kirkjukór Lágafellssóknar – Íslenskir jólasálmar]