Það heyrast jólabjöllur

Það heyrast jólabjöllur
(Lag / texti: erlent lag / Ólafur Gaukur Þórhallsson)

Það heyrast jólabjöllur og ofan úr fjöllunum fer
flokkur af jólaköllum til að gantast við krakkana hér.
Beint niður fjallahlíðar þeir fara‘ á skíðum með söng
og flestir krakkar bíða með óþreyju síðkvöldin löng.

viðlag
Komdu fljótt, komdu fljótt kæri jólasveinn,
það kveða við hróp
og börnin litlu bíða í stórum hóp,
komdu fljótt, komdu fljótt kæri jólasveinn,
er kallað á ný,
í glugga er látinn einn skór, kannski gott hann kemur í.

Svo dynja hlátrasköll svo hristast fjöllin af því
hópur af jólaköllum eru að tygja sig ferðina í.
Það bíða spenntir krakkar, sem kátir hlakka svo til,
því kannski berast pakkar og gjafir um miðnæturbil.

Miklar annir eru á heimilinu, allt á ferð
því að elda skal nú krásirnar af bestu gerð,
bæði hangikjöt, steik og rjúpur,
svo er rauðkál afbragðs gott,
þykkur rúsínugrautur settur í pott.

Og á jólatrénu loga skæru ljósin smá
þar í löngum röðum bæði fagurgræn og blá.
Nú er stundin að renna upp og koma aðfangadagskvöld
og allir það finna svo glöggt, nú er gleðin ein við völd.

Það heyrast jólabjöllur og ofan úr fjöllunum fer
flokkur af jólaköllum til að gantast við krakkana hér.
Beint niður fjallahlóðar þeir fara‘ á skíðum með söng
og flestir krakkar bíða með óþreyju síðkvöldin löng.

viðlag

Svo dynja hlátrasköll svo hristast fjöllin af því
hópur af jólaköllum eru að tygja sig ferðina í.
Það bíða spenntir krakkar, sem kátir hlakka svo til,
því kannski berast pakkar og gjafir um miðnæturbil.
Það bíða spenntir krakkar, sem kátir hlakka svo til,
því kannski berast pakkar og gjafir um miðnæturbil.
Það bíða spenntir krakkar, sem kátir hlakka svo til,
því kannski berast pakkar og gjafir um miðnæturbil.

[m.a. á plötunni Elly Vilhjálms – Jólafrí]