Berkir (1966-68)

Berkir

Hljómsveitin Berkir frá Bolungarvík starfaði í um ár á tímum bítla á síðari hluta sjöunda áratugarins.

Í fyrstu var um að ræða tríó sem þeir Gylfi Ægisson gítarleikari, Jakob Þorsteinsson píanó- og orgelleikari og ónafngreindur trommuleikari skipuðu. Trymbillinn hætti fljótlega og í hans stað komu Ingibergur Þór Kristinsson trommuleikari (bróðir Eggerts fyrsta trommuleikara Hljóma) og Friðrik Gíslason bassaleikari og söngvari.

Einhverjar mannabreytingar áttu sér stað í sveitinni og þannig eru Friðrik Sæbjörnsson, Sigurður Benjamínsson og Gunnar Hallsson sagðir hafa verið í henni á einhverjum tímapunkti.

Berkir störfuðu líklega fram á árið 1968.

Auglýsingar