Berlín

Hljómsveitin Berlín starfaði í nokkra mánuði árið 1974 og lék að öllum líkindum rokk í þyngri kantinum.

Fyrir liggur að í upprunalegu útgáfu Berlínar voru þeir Hjörtur Geirsson bassaleikari, Kristmundur Jónasson trommuleikari, Ragnar Sigurðsson gítarleikari og Sigurður Sigurðsson söngvari (Eik, Íslensk kjötsúpa o.fl.), síðar voru þeir Gunnar Ágústsson trommuleikari og Magnús Finnur Jóhannsson (Eik o.fl.) söngvari og gítarleikari í þessari sveit ásamt Sigurði líklega ásamt fleirum, nöfn eins og Sigurður Long saxófónleikari og Torfi Ólafsson bassaleikari hafa einnig verið nefnd í tengslum við hana en miklar hræringar voru á hljómsveitamarkaðnum á þessum tíma.

Alltént eru allar frekari upplýsingar um Berlín vel þegnar.