Afmælisbörn 7. desember 2014

Eiríkur frá Bóli2

Eiríkur Bjarnason

Afmælisbörn dagsins eru þrjú:

Jórunn Viðar tónskáld er 96 ára, hún nam tónsmíðar í Þýskalandi, Bandaríkjunum og Austurríki á sínum tíma og hefur samið fjöldann allan af þekktum lögum s.s. Það á að gefa börnum brauð, Kall sat undir kletti og tónverkið Únglíngurinn í skóginum. Jórunn hefur aukinheldur samið tónlist fyrir kvikmyndir og ballett, og var reyndar brautryðjandi í því hér á landi. Hún hlaut heiðursverðlaun Íslensku tónlistarverðlaunanna 2003.

Einnig hefðu átt afmæli þennan dag Elín (Matthíasdóttir) Laxdal söngkona og tónskáld (1883-1918) og Eiríkur (Bjarnason) á Bóli harmonikkuleikari (1909-81), hann var blindur en lét það ekki koma í veg fyrir spilamennsku á böllum í gamla daga.