Dagur Sig

Dagur Sig og Blúsband munu leika á Café Rosenberg nk. miðvikudag.

Dagur Sig og Blúsband er ungt og upprennandi blúsband. Hljómsveitin kom saman og spilaði á Blúshátíð 2015 og voru viðtökurnar svo góðar að ákveðið var að keyra bandið áfram.

Dagur Sigurðsson söngvari bandsins á langan feril að baki þrátt fyrir ungan aldur og byrjaði að syngja blúsinn aðeins 15 ára gamall og 18 ára gamall tók hann þátt í Blúshátíð Kópavogs undir stjórn Björns Thoroddsen. Undanfarið hefur hann komið fram í ýmsum uppfærslum með Rigg hópnum. Má þar nefna heiðurstónleika Meatloaf, U2 o.fl.

Í blúsbandinu eru frábærir tónlistarmenn. Það eru þeir Hjörtur Stephensen sem leikur á gítar af sinni alkunnu snilld.  Ryþmasveitina skipa svo Magnús Örn Magnússon á trommur og Steinþór Guðjónsson á bassa.

Hljómsveitin ætlar að endurtaka leikinn frá Blúshátíð 2015 og telja í nokkra vel valda blúsa miðvikudagskvöldið 20. maí nk. á Café Rosenberg.

Að þessu sinni var ákveðið að fá hina óviðjafnanlegu Thelmu Byrd  aftur til liðs við bandið sem gestasöngkonu og snillinginn Daða Birgisson til að leika með á hljómborð.

Hljóðið verður í höndum Ásmundar Jóhannssonar.

Húsið opnar á slaginu 21.00 og miðaverð er 2000 kr.