Afmælisbörn 23. mars 2016

Guðrún Árný Karlsdóttir

Guðrún Árný Karlsdóttir

Afmælisbarn dagsins er eftirfarandi:

Guðrún Árný Karlsdóttir söngkona úr Hafnarfirði er þrjátíu og fjögurra ára í dag. Guðrún Árný sem hefur sungið frá blautu barnsbeini vakti fyrst athygli þegar hún sigraði Söngkeppni framhaldsskólanna 1999 og í framhaldinu söng hún í ýmsum sýningum á Hótel Íslandi og víðar. Hún hefur verið áberandi í sönglagakeppnum eins og undankeppni Eurovision, Jólalagakeppni Rásar tvö og Landslaginu auk þess sem hún var ein Frostrósanna. Guðrún Árný hefur einnig gefið út sólóplötu, gefið út jólaplötu í félagi við aðra söngvara og sungið á plötum fjölmargra annarra listamanna.