Vormenn Íslands [1] (1982-88)

Á árunum 1982-88 starfaði spunasveit ungra tónlistarmanna undir nafninu Vormenn Íslands en þeir félagar urðu síðar hver um sig þekktari á öðrum sviðum tónlistarinnar.

Vormenn Íslands voru líklega alla tíð þeir Birgir Baldursson slagverksleikari, Daníel Þorsteinsson píanóleikari, Sigurður I. Björnsson gítarleikari og Sigurður Halldórsson sellóleikari sem einnig lék á bassa og önnur strengjahljóðfæri. Þeir félagar léku á nokkrum tónleikum undir þessu nafni en árið 1988 breyttu þeir um áherslur og tóku þá upp nafnið Loftfélag Íslands og störfuðu um tíma undir því nafni.