Félagar

Akureyska hljómsveitin Félagar tók til starfa haustið 1994 undir því nafni en sveitin hafði áður gengið undir nafninu Dansfélagar. Meðlimir voru þeir Birgir Arason [?], Jón Berg [?], Brynleifur Hallsson gítarleikari [?] og Grímur Sigurðsson bassaleikari en þegar sá síðast taldi kom inn í sveitina tóku þeir upp nýja nafnið.

Félagar léku á dansleikjum nyrðra, bæði á dansstöðum Akureyrar sem og á þorrablótum og öðrum dansleikjum á svæðinu, og starfaði sveitin að minnsta kosti fram til 2005.

Litlar upplýsingar er að finna um Félaga eftir aldamótin, fyrir liggur að Guðmundur Engilbertsson var gítarleikari sveitarinnar á árunum 1998 til 2005 en ekki er vitað um aðra meðlimi hennar á því tímabili.