Jólablús á Rúbín

Jólablús á RúbínVinir Dóra eiga 25 ára afmæli í ár og ætla að enda afmælisárið með Jólablús á Rúbín við Flugvallarveg þann 18. des. nk. kl 21.00. Húsið opnar kl. 19.00.

Jólablús Vina Dóra hefur notið mikilla vinsælda árum saman, skemmtilegur og allt öðru vísi en aðrir viðburðir á þessum árstíma. Jólablúsinn er kærleiksboðskapur og gleðistund sem enginn vill missa af. Miðaverð á tónleika er 2800.

Matur og tónleikar  á kr. 6000 – gerist ekki betra! Panta verður matinn fyrirfram. Hamborgarhryggur, roastbeef, laxarós ásamt meðlæti kr. 2.700. Rúbín taka líka frá borð fyrir matargesti og er tekið við borðapöntunum í síma 578 5300, 617 1111 (Agnar) og í póstfanginu rubin@rubin.is.

Jólablúsgjörningurinn er einstakt tækifæri til að hvíla sig á veraldlegu amstri aðventunnar. Við sem stöndum að starfseminni sem blús tengist, leggjum áherslu á að blúsinn miðlar friði, samkennd og skilningi á lífi og örlögum mannsins. Blúsinn er öflugt vopn gegn kynþáttahatri og skapar andrúmsloft mannkærleika hvar sem hann heyrist. Hann er einlægur og hittir í hjartastað þeirra sem við hlustir leggja.

Vinirnir eru: Halldór Bragason gítarleikari og söngvari, Guðmundur Pétursson gítarleikari, Ásgeir Óskarsson trommuleikari og Jón Ólafsson bassaleikari.

Tökum vini með sem ekki hafa komið áður á blúskvöld enda erum við skemmtilegasta fólkið í bænum.

Blúsfélag Reykjavíkur