Afmælistónleikar Ragnheiðar Gröndal

Ragnheiður Gröndal 30 ára

Ragnheiður Gröndal

Þann 15. desember nk. heldur Ragnheiður Gröndal söngkona upp á 30 ára afmælisdaginn sinn með stórtónleikum í Norðurljósasal tónlistarhússins Hörpu. Þar verður um að ræða spennandi ferðalag í gegnum feril hennar en hún á að baki átta plötur auk margra annarra verkefna. Ragnheiður hefur haft viðkomu í ýmsum tegundum tónlistarinnar s.s. djassi, poppi og blús auk þess að gera plötur með einstæðri túlkun sinni á íslenskri þjóðlagatónlist. Mestmegnis hefur hún fengist við eigin tónsmíðar þó að hún hafi gert verk annarra höfunda ódauðlega að sama skapi.

Hér er á ferðinni veisla fyrir alla sem notið hafa tónlistar Ragnheiðar á lífsleiðinni og verður tjaldað til veglegri hljómsveit með aðstoðarsöngvurum í hæsta klassa. Hægt er að kaupa miða í gegnum Miði.is.