Afmælisbörn 13. desember 2014

Lárus H. Grímsson

Lárus H. Grímsson

Í dag eru tveir tónlistarmenn sem eiga afmæli:

Lárus Halldór Grímsson tónskáld, hljómsveitastjórnandi og hljómborðs- og flautuleikari er sextugur á þessum degi. Hann nam hér heim og í Hollandi, lék með mörgum hljómsveitum hér á árum áður s.s. Sjálfsmorðssveit Megasar, Súld, Með nöktum, Þokkabót, Eik og Deildarbungubræðrum og lék þ.a.l. á plötum þeirra og margra annarra líka. Lárus hefur einnig gefið út nokkrar sólóplötur og er líklega þekktust þeirra platan Hringurinn sem kom út 1986. Hann hefur einnig stýrt lúðrasveitum eins og Lúðrasveit Reykjavíkur o.fl.

Lísa Pálsdóttir söng- og dagskrárgerðarkona er 61 árs, hún hefur í seinni tíð starfað við dagskrárgerð hjá Ríkisútvarpinu en söng hér fyrr með hljómsveitinni Kamarorghestum, sem starfaði mestmegnis í Kaupmannahöfn. Einnig hefur hún sungið með hljómsveitunum Sköpum og Slow-Beatles.