Afmælisbörn 14. desember 2014

Ingvar Jónsson

Ingvar Jónsson

Afmælisbörn dagsins í dag eru eftirfarandi:

Friðrik S. Kristinsson kórstjórnandi með meiru er 52 ára, hann hefur stýrt kórum eins og Karlakór Reykjavíkur, Snæfellingakórnum, Unglingakór Hallgrímskirkju, Drengjakór Reykjavíkur og Landsbankakórnum en hann er menntaður söngkennari og starfar einnig sem slíkur. Hann hefur sungið sjálfur inn á plötur enda söngmenntaður.

Ástvaldur (Zenki) Traustason hljómborðsleikari er 48 ára, hann hefur leikið með sveitum eins og Babadú, Tangósveit lýðveldisins, Stórsveit Reykjavíkur, Mao, Bardukha, Milljónamæringunum og Sálinni hans Jóns míns. Ástvaldur er skólastjóri Tónheima.

Ingvar Jónsson fyrrverandi söngvari Papanna er 45 ára, hann söng með Pöpunum og á plötum þeirra 1991-2000, hann hefur einnig sungið með Góðum landsmönnum og starfað sem trúbador.