Snorri Helgason á fyrstu Blikktrommu haustsins

Snorri Helgason1

Snorri Helgason

Tónleikaröðin Blikktromman hefur nú sitt annað starfsár en síðasta ár gekk vonum framar. Áhersla er lögð á að bjóða upp á tónleika með nokkrum af okkar fremstu tónlistarmönnum í því nána og gæðaumhverfi sem Kaldalón í Hörpu býður uppá. Eftir tónleikana gefst gestum kostur á að sitjast niður með drykk og útsýni yfir smábátahöfnina, með góða tónlist í bakgrunninn. Ekkert vesen, bara gæði.

Blikktromman er slegin fyrsta miðvikudagskvöld hvers mánaðar og er það tónlistarmaðurinn Snorri Helgason sem leikur á fyrstu tónleikum haustsins, miðvikudagskvöldið 7. september. Listamaðurinn gaf nýlega út sína fjórðu breiðskífu, Vittu til, og sem hefur hlotið mikið lof og lagið Einsemd verið mjög vinsælt. Tónleikarnir hefjast klukkan 20.

Í kjölfar tónleika Snorra Helgasonar munu eftirtaldir listamenn koma fram á Blikktrommunni á næstunni; Úlfur úlfur, President Bongo (gus gus) & The Emotional Carpenters og Dj flugvél og geimskip.

Miðasala fer fram á www.harpa.is: