Hljómsveit sem gekk undir nafninu Blackson brothers starfaði á Akureyri snemma árs 1989. Heimildir herma að sveitina hafi skipað bræðurnir Snorri Ásmundsson, Ásmundur Ásmundsson og Jóhann Ásmundsson en óskað er eftir frekari upplýsingum um hana
Blautir dropar er hljómsveit úr Reykjavík sem starfaði um og eftir 1990, og innihélt Stefán Henrýsson hljómborðsleikara (Sóldögg o.fl.), Arnþór Örlygsson gítarleikara (Addi 800), Erlend Eiríksson söngvara, Gunnar Þór Eggertsson gítaraleikara (Vinir vors og blóma, Land og synir o.fl.) og Brynjar Reynisson bassaleikara. Þannig skipuð átti sveitin lag á safnplötunni Húsið sem gefin var út…
Bláa bílskúrsbandsins verður fyrst og síðast minnst fyrir að innihalda gítarleikarann Guðmund Pétursson ungan að árum. Sveitin tók þátt í Músíktilraunum 1987, þá skipuð þeim Guðmundi, Birni Loga Þórarinssyni bassaleikara og Guðvini Flosasyni trommuleikara, en komst ekki í úrslit keppninnar. Bláa bílskúrsbandið spilaði eitthvað saman eftir Músíktilraunirnar og mun hafa bætt við sig gítarleikara en…
Bláeygt sakeysi er hljómsveit sem átti lag á safnplötunni Lagasafnið 3 sem út kom 1993, þá var sveitin skipuð þeim Baldvini Hrafnssyni gítarleikara, Sigurði Gíslasyni gítarleikara, Rúnari Guðjónssyni bassaleikara, Bjarka Rafni Guðmundssyni trommuleikara og Rúnari Ívarssyni söngvara en einnig spilaði Þórir Úlfarsson á hljómborð, hugsanlega hefur hann þó ekki verið í sveitinni. Sama ár átti…
Blástakkatríóið (einnig kallað Blástakkar) er að öllum líkindum fyrsta svokallaða þjóðlagatríó Íslands þótt ekki einskorðuðu þeir sig við þjóðlög. Tríóið sem skipað var fyrrum nemendum úr Verzlunarskólanum kom fyrst fram 1939 og starfaði um tveggja ára skeið, meðlimir þess voru Ólafur Beinteinsson, Gunnar Ásgeirsson og Sveinn Björnsson en þeir Gunnar og Sveinn urðu síðar kunnir…
Hljómsveitin Blátt áfram var skipuð ungum meðlimum 1987-88 og kom fyrst fram opinberlega í hljómsveitakeppninni í Húsafelli um verslunarmannahelgina 1987, hvar hún lenti í öðru sæti á eftir Nýdanskri. Litlar upplýsingar hafa fundist um sveitina aðrar en að trommuleikari hennar færði sig á gítar þegar nýr trymbill, Ingólfur Sigurðsson (Rauðir fletir) gekk til liðs við…
Pöbbadúettinn Blátt áfram starfaði á árunum 1995-2004 með hléum, og gæti í raun hafa starfað enn lengur. Meðlimir hans voru Sigurður Már [?] og Sigurður Guðfinnsson sem báðir léku á gítara og sungu. Blátt áfram lék nær eingöngu á pöbbum höfuðborgarsvæðisins.
Hljómsveitin Blimp spilaði rokk í harðari kantinum og keppti í Músíktilraunum 1992, þá var sveitin skipuð þeim Svavari Pétri Eysteinssyni gítarleikara, Hauki M. Einarssyni trommuleikara, Ásgeir Ó. Sveinssyni bassaleikara og Hilmari Ramos söngvara. Sveitin sem kom úr Reykjavík (Breiðholtinu) hafði verið stofnuð 1991 en hún spilaði áfram fram á sumar 1993 og hætti líklega störfum…
Blues akademían er eins og nafnið gefur til kynna blússveit, starfandi 2008. Meðlimir Blues akademíunnar eru þeir Pjetur Stefánsson söngvari og gítarleikari, Páll Pálsson bassaleikari, Tryggvi Hübner gítarleikari, Jón Borgar Loftsson trommuleikari og Sigurður Sigurðsson söngvari og munnhörpuleikari. Sveitin mun vera starfandi ennþá.
Hljómsveitin Blöndustrokkarnir var starfrækt í Eiðaskóla 1990 og keppti það árið í Músíktilraunum Tónabæjar. Meðlimir sveitarinnar voru Benedikt Páll Magnússon bassaleikari, Jónas Sigurðsson trommuleikari (Sólstrandargæjarnir), Björn Þór Jóhannsson gítarleikari og Ester Jökulsdóttir söngkona. Sveitin komst ekki í úrslit Músíktilrauna.
Hljómsveitin Bóbó Pjeturs og fjölskylda starfaði í Menntaskólanum að Laugarvatni veturinn 1969-70 og var þar eins konar skólahljómsveit. Meðlimir hennar voru Halldór Gunnarsson (síðar Þokkabót), Viðar Jónsson, Ólafur Örn Ingólfsson, Þórólfur Guðnason og Smári Geirsson, sá síðast taldi var trommuleikari en óljóst er hvaða hlutverki hinir höfðu að gegna í hljómsveitinni.
Boo coo movement var starfandi 2003 – 4 og var í upphafi dúett þeirra Þóris Georgs Jónssonar og [?], leiðir skildu síðan og Þórir Georg hélt áfram að starfa einn undir þessu nafni um tíma eða þar til hann hóf að kalla sig My summer as salvation soldier. Einhverjar upptökur liggja eftir Boo coo movement…
Boogie knights er hliðarverkefni nokkurra þekktra tónlistarmanna úr poppgeiranum. Sveitin hefur verið starfandi frá 2001 og kemur saman við góð tækifæri en meðlimir hennar hafa verið Sigurður Rúnar Samúelsson (Írafár o.fl.) bassaleikari, Arngrímur Fannar Haraldsson (Skítamórall) gítarleikari, Jóhann Bachmann (Skítamórall, Írafár o.fl.) trommuleikari og fleiri, Herbert Viðarsson bassaleikari mun einnig hafa leikið með sveitinni um…
Hljómsveit starfandi 1993 en það ár átti hún lag á safnplötunni Íslensk tónlist 1993. Ekki liggja fyrir neinar frekari upplýsingar um sveitina en þær væru vel þegnar.
Hljómsveitin Bros var stofnuð síðla árs 1991 á Hellissandi. Stofnmeðlimir voru Loftur Vignir Bjarnason bassaleikari, Þorkell Cýrusson gítarleikari og Örn Arnarson hljómborðsleikari. Fljótlega bættist trommuleikarinn Reynir Rúnar Reynisson í hópinn, auk Sirrýjar Gunnarsdóttur söngkonu. Öll sungu þau reyndar á böllum en sveitin spilaði all nokkuð á dansleikjum á sínum tíma. Þegar Sirrý hætti í sveitinni um…
Bros – [titil vantar] Útgefandi: [engar upplýsingar] Útgáfunúmer: [engar upplýsingar] Ár: 1992 [engar upplýsingar um efni] Flytjendur Flytjendur – engar upplýsingar
Bróðir Darwins var hljómsveit frá Akranesi sem keppti í Músíktilraunum Tónabæjar og Bylgjunnar 1989 og lenti þar í þriðja sæti. Orri Harðarson gítarleikari var í þeirri hljómsveit og Anna Halldórsdóttir söngkona en aðrir meðlimir sveitarinnar voru Logi Guðmundsson trommuleikari (Óðfluga) og Karl Lilliendahl bassaleikari. Þetta var einhvers konar nýbylgjusveit. 1991 átti sveitin lag á safnplötunni…
Hljómsveitin Brúðkaup Fígarós var starfandi 1989 en þá tók sveitin þátt í Músíktilraunum. Meðlimir sveitarinnar voru Karl Olgeirsson hljómborðsleikari, Ásgeir Páll Ágústsson söngvari, Gísli Leifsson trommuleikari, Hallur Guðmundsson bassaleikari og Trausti Örn Einarsson gítarleikari. Sveitin komst ekki í úrslit.
Hljómsveitin var starfandi 2000 og tók þátt í Músíktilraunum þá. Hún komst ekki í úrslit. Meðlimir sveitarinnar voru Leifur Björnsson söngvari og gítarleikari, Edda Björnsdóttir sellóleikari, Guðjón Guðjónsson trommuleikari, Ágúst Benediktsson bassaleikari og Helgi Axel Svavarsson gítarleikari
Hljómsveitin Busarnir var starfrækt á árunum 1987 til 92 en 1991 kom út lag með þeim á safnplötunni Húsið sem gefin var út til styrktar Krýsuvíkursamtökunum. Þá var sveitin skipuð þeim Ólafi H. Stefánssyni gítarleikara, Siggeiri Péturssyni bassaleikara, Njáli Þórðarsyni hljómborðs- og píanóleikara, Grétari Elíasi Sveinssyni trommuleikara og Þorsteini G. Ólafssyni söngvara. Þessi sveit var…
Busy doing nothing var eins konar blúsdjasssveit, starfandi 2005. Þetta var kvartett skipaður þeim Birgi Baldurssyni trommuleikara, Eðvarði Lárussyni gítarleikara, Sigurði Perez saxófónleikara og Þórði Högnasyni kontrabassaleikara. Ekki liggja fyrir nánari upplýsingar um sveitina.
Hljómsveitin Butler tók þátt í Músíktilraunum Tónabæjar haustið 1983 en komst þar ekki í úrslit. Ekki liggja fyrir neinar upplýsingar um þessa sveit en þær væru vel þegnar.
Hljómsveitin Búnaðarbanki Íslands var starfandi 2002 og var líklega frá Akranesi. Þetta óvenjulega nafn má líklega rekja til styrktaraðila sveitarinnar. Ekki liggja fyrir nánari upplýsingar um meðlimi hennar eða líftíma.
Hljómsveit Bylur starfaði á árunum 1981-86. Sveitin, sem var instrumental band, tók þátt í öðrum Músíktilraunum Tónabæjar sem haldnar voru haustið 1983 og komst þar í úrslit. Bylur lék frá upphafi frumsamið þjóðlagarokk í ætt við það sem fjölmargar enskar sveitir voru að gera um það leyti en síðar bættust einnig við tónlistina djassskotin áhrif.…
Bæjarsveitin var ekki eiginleg starfandi hljómsveit heldur sveit sem sett var saman af Karli Sighvatssyni fyrir upptökur á plötu Ása í Bæ, Undrahatturinn, sem út kom 1978. Meðlimir sveitarinnar voru auk Karls sem lék á hljómborð, þeir Tómas Tómasson bassaleikari, Þórður Árnason gítarleikari, Sigurður Karlsson trommuleikari, Guðmundur T. Einarsson trommuleikari, Grettir Björnsson harmonikkuleikari, Viðar Alfreðsson horn-…
Hljómsveitin Bölverkur frá Mosfellsbær og Stykkishólmi var starfandi 2000 og 01, og keppti reyndar í Músíktilraunum Tónabæjar síðara árið. Þá voru meðlimir sveitarinnar þeir Sigmar Logi Hinriksson gítarleikari, Bragi Páll Sigurðsson söngvari, Hrafnkell Thorlacius bassaleikari og Jón Ragnar Daðason trommuleikari. Sveitin sem lék rokk í þyngri kantinum, komst ekki áfram í úrslit keppninnar.
Carpe diem var rokksveit úr Reykjavík, stofnuð upp úr annarri sveit Dagfinni dýralækni sem tekið hafði þátt í Músíktilraunum 1991. Sveitin tók þátt í tilraununum árið eftir, 1992 og voru meðlimir hennar þá Franz Gunnarsson gítarleikari (Ensími o.fl.), Guðmundur Jón Ottósson gítarleikari, Helgi Örn Pétursson bassaleikari, Gunnar Sigurðsson söngvari og Björn Hermann Gunnarsson trommuleikari. Sveitin…
Hljómsveitin Centaur var stofnuð vorið 1982 og sóttu meðlimir sveitarinnar nafn hennar til grísku goðafræðinnar en kentár (Centaur) er hálfur maður og hálfur hestur. Sveitin sem spilaði lengi vel þungarokk, var söngvaralaus í upphafi en var skipuð þeim Guðmundi Gunnlaugssyni trommuleikara, Jóni Óskari Gíslasyni gítarleikara, Hlöðver Ellertssyni bassaleikara og Benedikt Sigurðssyni gítarleikara en þeir tveir…
Centaur – Same places Útgefandi: Skuldseigir Útgáfunúmer: [án útgáfunúmers] Ár: 1985 1. Celebration 2. Same places 3. We’ll change the world 4. Nightmares 5. Dúndur Flytjendur: Guðmundur Gunnlaugsson – trommur og bjöllur Hlöðver Ellertsson – bassi Jón Óskar Gíslason – gítar Pálmi Sigurhjartarson – hljómborð og bjöllur Sigurður Sigurðsson – söngur og munnharpa Rúnar Georgsson – saxófónn Gísli Erlingsson…
Saga hljómsveitarinnar Change, afsprengi Magnúsar Þór Sigmundssonar og Jóhanns Helgasonar, er kennslubókardæmi um vonir og væntingar Íslendinga um meikdrauma erlendis, sem vel að merkja öll íslenska þjóðin tók þátt í. Vonir og væntingar sem smám saman urðu að engu. Sveitarinnar verður minnst fyrst og fremst fyrir það og í seinni tíð einnig fyrir hljómsveitarsamfestinga sem…
Change – Yaketty yak, smacketty smack / When the morning comes [ep] Útgefandi: Orange Útgáfunúmer: OAS 210 Ár: 1973 1. Yaketty yak, smacketty smack 2. When the morning comes Flytjendur: Björgvin Gíslason – raddir og gítar Jóhann Helgason – raddir, bassi og söngur Magnús Þór Sigmundsson – raddir og gítar Karl J. Sighvatsson – orgel og raddir Ólafur Garðarsson – trommur…
Chao chao var hljómsveit úr Reykjavík sem tók þátt í Músíktilraunum Tónabæjar vorið 1986. Meðlimir þessarar sveitar voru Arnar Freyr Gunnarsson söngvari, Rafn Jónsson hljómborð og Þorsteinn Halldórsson hljómborðsleikari en hún lék eins konar raftónlist. Chao chao komst ekki áfram í úrslit keppninnar.
Hljómsveitin Cirkus var nokkuð áberandi í tónlistarlífi borgarinnar á síðari hluta áttunda áratugar 20. aldar en sveitin náði þó aldrei að verða ein þeirra stóru, sem án efa má rekja til þess að hún sendi aldrei frá sér efni þrátt fyrir að vinna og flytja frumsamda tónlist. Tónlist sveitarinnar mátti skilgreina sem eins konar funk…
Dauðarokkssveitin Clockwork diabolus var stofnuð 1990 í Reykjavík. Clockwork diabolus tók þátt í Músíktilraunum 1992 og voru meðlimir sveitarinnar þá þeir Jóhann Rafnsson trommuleikari (Mortuary o.fl.), Gunnar Óskarsson gítarleikari (Stjörnukisi o.fl.), Arnar Sigurðarson gítarleikari, Atli Jarl Martin bassaleikari og Sindri Páll Kjartansson söngvari (Pulsan o.fl.). Sveitin kom í úrslit Músíktilrauna en hafði þar ekki erindi…
Clockwork diabolus – Demo ’92 Útgefandi: – Útgáfunúmer: [án útgáfunúmers] Ár: 1992 1. Jón 2. Untitled 3. Forsaken Flytjendur Flytjendur – engar upplýsingar
Reykvíska hljómsveitin Cobra starfaði í nokkra mánuði árið 1977. Sveitin, sem lék eins konar fönkrokk í bland við venjulega balltónlist, var skipuð söngvurunum Geir Gunnarssyni og Rafni Sigurbjörnssyni en aðrir meðlimir Cobra voru Ágúst Birgisson bassaleikari, Björn Thoroddsen gítarleikari og bræðurnir Eyjólfur og Einar Jónssynir trommu- og gítarleikarar. Svo virðist sem bassaleikarinn Brynjólfur Stefánsson hafi…
Reykvíska dauðarokksveitin Condemned starfaði 1992 og keppti það ár í Músíktilraunum. Sveitin var þá skipuð þeim Árna Sveinssyni söngvara, Sigurjóni Alexanderssyni gítarleikara, Friðfinni Sigurðssyni trommuleikara, Bárði Smárasyni bassaleikara og Agli Tómassyni gítarleikara. Arnar Guðjónsson gítarleikari (Sororicide, Leaves o.fl.) gekk til liðs við sveitina strax eftir Músíktilraunir. Sveitin starfaði um nokkurra mánaða skeið og hætti líklega…
Dauðrokksveitin Cranium var stofnuð 1990 af Sigurði Guðjónssyni gítarleikara (Fallega gulrótin o.fl.) og Ófeigi Sigurðarsyni bassaleikara og söngvara (Moondogs). Sveitin kom úr Reykjavík og tók m.a. þátt í Músíktilraunum Tónabæjar 1992. Meðlimir Cranium voru þá þeir áðurnefndur Sigurður og Ófeigur, Hörður S. Sigurjónsson trommuleikari, og Björn Darri Sigurðarson gítarleikari. Hljómsveitin tók aftur þátt í tilraununum árið…
Cranium – Abduction Útgefandi: eigin útgáfa Útgáfunúmer: [án útgáfunúmers] Ár: 1994 1. Abduction 2. Introvert 3. Formerly weakminded 4. …of guilt and remorse 5. Consternation Flytjendur Sigurður Guðjónsson – gítar Árni Sveinsson – söngur og raddir Egill Tómasson – gítar Ófeigur Sigurðarson – bassi og söngur Bjarni Grímsson – trommur Hlynur Aðils Vilmarsson – hljómborð…
Cremation var ein af þeim fjölmörgu dauðarokksveitum sem komu fram á sjónarsviðið upp úr 1990. Sveitin var stofnuð 1991 og var þá skipuð Daníel Rodriguez bassaleikara, Hilmari Elvarssyni gítarleikara og söngvara, Ólafi Magnússyni gítarleikara og Magnúsi Kára Vignissyni Bergmann trommara. Daníel hætti fljótlega í sveitinni og Ágúst Helgi Waage tók við bassanum ásamt því að…
Hljómsveitin Da Kaine var starfandi 2006 – 07 og innihélt Garðar Örn Hinriksson söngvara, Matthías Baldursson hljómborðs- og bassaleikara, Þröst Jóhannsson gítarleikara og Finn Pálma Magnússon slagverksleikara. Ekki liggja fyrir frekari upplýsingar um sveitina eða hvort hún sé enn starfandi.
Þungarokkshljómsveitin Dagfinnur dýralæknir úr Reykjavík var starfandi 1991 og keppti í Músíktilraunum sama ár án þess þó að komast í úrslit keppninnar. Meðlimir sveitarinnar voru þeir Franz Gunnarsson gítarleikari (Ensími o.fl.), Guðmundur Jón Ottósson gítarleikari, Matthías Matthíasson söngvari (Papar o.fl.), Haukur Már Einarsson trommuleikari og Sveinn Bjarki Tómasson bassaleikari. Sveitin starfaði ekki lengi undir þessu…
Dansdeildin var þriggja manna sveit úr Reykjavík, starfandi 1988 og tók þátt í Músítilraunum Tónabæjar og Bylgjunnar þá um vorið. Meðlimir voru Árni E. Bergsteinsson, Einar M. Garðarsson og Ingibergur Kristinsson en þeir voru allir hljómborðsleikarar, Árni var jafnframt söngvari Dansdeildarinnar.
Danshljómsveit Vestfjarða var starfrækt á Ísafirði 1977–81. Hún var stofnuð 1977 af nokkrum meðlimum hljómsveitarinnar Ýrar, sem þá hafði verið starfandi síðan 1973. Meðlimir sveitarinnar voru Rafn Jónsson trommuleikari, Reynir Guðmundsson söngvari, Sigurður Rósi Sigurðsson gítarleikari og Örn Jónsson, sem allir höfðu verið í Ýr, auk þeirra voru Sven Arve Hovland gítar- og trompetleikari og…
Hljómsveitin Danssporið var áberandi á öldurhúsum Reykjavíkurborgar síðari hluta níunda áratugarins. Sveitin sem var í gömlu dansa geiranum, var stofnuð af frumkvæði söngkonunnar Kristbjörgu (Diddu) Löve snemma árs 1986 en hún hafði þá sungið um árabil í danshljómsveitum Jóns Sigurðssonar og Guðmundar Ingólfssonar svo dæmi séu tekin. Hún fékk til liðs við sig Guðna Guðnason…
De Vunderfoolz (stundum einnig nefnd Mickey Dean and the Vunderfoolz) starfaði sumarið 1986, ætlaði sér stóra hluti en lognaðist út af áður en nokkuð gerðist í þeirra málum. Nokkrir meðlimir hljómsveitarinnar áttu eftir að gera garðinn frægan með öðrum sveitum síðar. Sveitin var stofnuð vorið 1986 og allan tímann voru meðlimir sveitarinnar parið Mike Pollock…
Austfirska hljómsveitin Decadent Podunk keppti í Músíktilraunum árið 2000 og komst þar í úrslit en sveitin spilaði þungt rokk. Meðlimir hennar voru Björn Ingi Vilhjálmsson gítarleikari og söngvari, Birkir Skúlason gítarleikari, Magni Þór Harðarson söngvari, Örn Ingi Ásgeirsson trommuleikari og Vignir Örn Ragnarsson bassaleikari.
Hljómsveitin Deild 1 hafði gengið undir nafninu Puppets í nokkra mánuði vorið 1983 og gengið þannig undir heilmiklar mannabreytingar þegar Björgvin Gíslason fékk hana til að leika undir á tónleikum til að kynna plötu sína, Örugglega, sem þá var nýkomin út. Niðurstaðan varð sú að Björgvin gekk til liðs við sveitina sem hljómborðs- og gítarleikari,…
Deildarbungubræður – Saga til næsta bæjar Útgefandi: Icecross records Útgáfunúmer: DBB 001 Ár: 1976 1. Nú er gaman 2. Langferðalagið 3. María draumadís 4. Kanntu annan 5. Hver 6. Deildarbungubræður 7. Ástarþrá 8. Fjör í Eyjum 9. Þingmannalagið 10. Fyrirkomulagið 11. Síðasta lagið Flytjendur Haraldur Þorsteinsson – bassi Axel Einarsson – söngur, hljóðgervlar og gítar Árni Sigurðsson –…
Deja vu var hljómsveit frá Akranesi (stofnuð síðla árs 1986) sem keppti í Músíktilraunum vorið 1987. Meðlimir sveitarinnar voru Halldór Þorsteinsson bassaleikari, Guðmundur Þ. Sigurðsson gítarleikari, Gautur Gunnarsson trommuleikari, Logi Guðmundsson gítarleikari og Jón Ingi Þorvaldsson söngvari. Hún komst ekki áfram í úrslitin. Hljómsveitin Batterý var síðar stofnuð upp úr Deja vu.
Glatkistan 