Bel canto (1981 – 1986)

engin mynd tiltækBel canto kórinn úr Garðabæ var skipaður ungu söngfólki sem áður hafði verið í Skólakór Garðabæjar en kórinn var stofnaður 1981.

Bel canto kórinn sótti fyrirmynd sína til Ítalíu en bel canto er söngstíll sem margir hafa tileinkað sér, til er fjöldi kóra um heim allan sem starfa undir merkjum bel canto en kórinn úr Garðabæ er líkast til eini kórinn á Íslandi sem gert hefur slíkt.

Kórinn sem yfirleitt innihélt um þrjátíu og fimm manns, söng við ýmis tækifæri en vakti einkum athygli á Myrkum músíkdögum 1983. Guðfinna Dóra Ólafsdóttir var stjórnandi kórsins alla tíð en hann starfaði a.m.k. til 1986.