Afmælisbörn 10. desember 2014

Einar Hólm

Einar Hólm

Nokkur afmælisbörn tengjast deginum í dag:

Einar Hólm söngvari og trymbill er 69 ára, hann gaf út eina litla plötu 1973 en var trommuleikari í mörgum hljómsveitum hér áður s.s. Pónik, Stuðlatríóinu, Næturgölum og Hljómsveit Ólafs Gauks svo einhverjar sé nefndar. Einar er faðir Ólafs Hólm trommara Nýdanskrar og margir trommuleikarar eru í ætt hans.

Einnig hefðu átt afmæli þennan dag Steingrímur Johnsen söngvari og söngkennari (1846-1901) en hann var einna fyrstur til að kenna söng hérlendis, og Óskar Ingólfsson klarinettuleikari (1954-2009) sem lék með Sinfóníuhljómsveit Íslands auk þess að starfa í stóru leikhúsunum, við óperuna og víðar. Hann sinnti ennfremur ýmsum félagsstörfum fyrir tónlistarhreyfinguna.