Dansband Eimskipa

Litlar upplýsingar finnast um Dansband Eimskipa en það mun hafa verið starfandi fyrir eða um 1930.

Dansbandi Eimskipa mun hafa verið stjórnað af Karli O. Runólfssyni fiðlu- og trompetleikara en aðrir meðlimir sveitarinnar voru Auðbjörn Emilsson bassahornleikari, Björn Marinó Björnsson básúnuleikari, Eggert Jóhannesson trompetleikari, Aage Lorange píanóleikari og Björn Jónsson saxófónleikari.

Þessi sveit mun hafa verið skipshljómsveitin á gamla Gullfossi á árunum 1927 og 28 að minnsta kosti en þeir félagar léku undir borðhaldi og fyrir dansi á skipinu. Hljómsveitin lék frítt en þeir voru á fæði og gistingu um borð, þeir fengu hins vegar alla innkomu af dansleikjum sem haldin voru í landi á þeim stöðum sem Gullfoss kom að landi.