Fréttir af Glatkistunni

Purrkur Pillnikk 1982

Purrkur pillnikk

Keyrsla nýs efnis í gagnagrunn Glatkistunnar er nú aftur komin í fullan gang eftir rólegheit í sumar, og það sem af er september mánaðar hafa þrjátíu og fjórir flytjendur (hljómsveitir, kórar o.s.frv.) bæst inn í stafina P og N.

Þeirra á meðal má nefna þekktari nöfn eins og Purrk pillnikk, Nabblastrengi, P.S. músík [útgáfufyrirtæki] og Púff, en einnig minni spámenn eins og Púrusottam, N.A.S.T., Naboens rockband, NA 12 og Namm.

Á næstunni munu sveitir og flytjendur eins og Náttúra, Nora Brocksted, Neol Einsteiger og Nesmenn bætast í gagnagrunninn.

Þá er undirbúningur fyrir textasíður Glatkistunnar hafinn og stefnt að því að fyrir áramót verði nokkur hundruð textar komnir þar inn, það skýrist betur þegar nær dregur.