Afmælisbörn 30. desember 2018

Haukur Gröndal

Í dag eru tvö tónlistartengd afmælisbörn á skrá Glatkistunnar:

Haukur Gröndal klarinettu- og saxófónleikari er fjörutíu og þriggja ára gamall á þessum degi. Hann hefur leikið með ýmsum hljómsveitum (mörgum djasstengdum) eins og Rodent, klezmersveitinni Schpilkas, Out of the loop og Reykjavik swing syndicate, og er víða gestur á plötum hinna ýmsu listamanna. Hann hefur einnig sjálfur gefið út sólóplötur.

Bjarni „móhíkani“ (Þórir) Þórðarson (fæddur 1966) hefði einnig átt afmæli á þessum degi en hann lést árið 2005. Hann var í pönksveitum á borð við Sjálfsfróun, Bíafra restaurant, Haugi og heilsubresti, Alsælu og Kumli og varð þekktur fyrir framlag sitt til kvikmyndarinnar Rokk í Reykjavík.

Auglýsingar