Afmælisbörn 11. febrúar 2016

Berglind Björk Jónasdóttir

Berglind Björk Jónasdóttir

Glatkistan hefur í dag upplýsingar um tvö afmælisbörn í tónlistargeiranum:

Berglind Björk Jónasdóttir söngkona er fimmtíu og sjö ára. Hún er ein þriggja Borgardætra en hefur að auki sungið með hljómsveitum eins og Snillingunum og Saga Class. Söng Berglindar er að finna á plötum fjölmargra listamanna s.s. Geirmundar Valtýssonar, Guðrún Gunnarsdóttur, Rúnars Þórs, Ingva Þór Kormákssonar og margra annarra.

Birgir Nilsen Þórsson trymbill Vina vors og blóma og Lands og sona er fjörutíu og tveggja ára á þessum degi. Auk framangreindra sveita hefur Birgir leikið með sveitum eins og Maat mons, The Multiphones, Sælgætisgerðinni, Galeiðunni, Kántrýsveitinni Klaufum og Bravó auk þess að leika sem session leikari á hinum ýmsu plötum. Hann gaf út sólóplötu á síðasta ári.