Echo [1] (1959-60)

engin mynd tiltækHljómsveit Echo (einnig nefnd Echo kvintett) frá Hvolsvelli lék á skemmtunum í Rangárvallasýslu um og fyrir 1960.

Sveitin var stofnuð upp úr annarri sveit, Blástökkum, og hafði hugsanlega að geyma píanóleikarann Rúdolf Stolzenwald og Aðalbjörn Kjartansson harmonikku- og saxófónleikara. Haraldur Sigurðsson (Halli) var upphaflega söngvari sveitarinnar en Jakob Ó. Jónsson tók við því hlutverki haustið 1959. Ekki liggur fyrir hverjir aðrir skipuðu þessa rangæsku hljómsveit.