Gígjan [5] (1915-22)

Lúðrasveitin Gígjan1

Lúðrasveitin Gígjan

Lúðrasveitin Gígjan var starfandi í Reykjavík um sjö ára tímabil á fyrri hluta síðustu aldar. Hún er einn undanfari Lúðrasveitar Reykjavíkur.

Gígjan var stofnuð 1915 af Hallgrími Þorsteinssyni og fleirum upp úr lúðrasveit góðtemplara sem hafði borið nafnið Svanur (líkt og önnur lúðrasveit síðar). Litlar upplýsingar liggja fyrir um þessa sveit en Reynir Gíslason mun hafa stjórnað henni, að minnsta kosti um skemmri tíma.

1922 var Gígjan sameinuð lúðrasveitinni Hörpu og hlaut nýja sveitin nafnið Lúðrasveit Reykjavíkur, sú lúðrasveit lifir enn góðu lífi eins og öllum ætti að vera kunnugt um.