Hljómsveitin Dá starfaði í rúmlega tvö ár á höfuðborgarsvæðinu og vakti nokkra athygli fyrir frambærilega söngkonu og óvenjulega hljóðfæraskipan. Dá var stofnuð haustið 1983 og voru meðlimir í upphafi þeir Heimir Barðason bassaleikari og Helgi Pétursson hljómborðsleikari sem höfðu áður verið í Jonee Jonee, þeir fengu til liðs við sig fljótlega annan bassaleikara sem hét…
Dátar voru ein þeirra hljómsveita sem telja má til minnisvarða um íslenskt bítl, aðeins fáeinar aðrar sveitir eins og Hljómar og Flowers geta gert tilkall til hins sama. Dátar voru stofnaðir vorið 1965 og komu þeir fyrst fram í lok júní, gítarleikararnir Hilmar Kristjánsson og Rúnar Gunnarsson sem einnig söng, stofnuðu sveitina og fljótlega bættist…
Dátar [ep] Útgefandi: SG hljómplötur Útgáfunúmer: SG 512 Ár: 1966 1. Leyndarmál 2. Alveg ær 3. Kling klang 4. Cadillac Flytjendur: Rúnar Gunnarsson – söngur og gítar Hilmar Kristjánsson – gítar Jón Pétur Jónsson – bassi Stefán Jóhannsson – trommur Þórir Baldursson – orgel og raddir Dátar [ep] Útgefandi: SG hljómplötur Útgáfunúmer: SG 520 Ár:…
Hljómsveitin Deleríum tremens var skráð til keppni í hljómveitakeppni sem haldin var í Atlavík um verslunarmannahelgina 1985. Engar sögur fara af því hvort sveitin mætti til leiks, hvernig henni reiddi af eða hverjir skipuðu hana en allar upplýsingar um hana væru vel þegnar.
Unglingahljómsveit að nafni Deceived var auglýst á tónleikum í Breiðholti vorið 1992. Engar upplýsingar liggja fyrir um hverjir skipuðu þessa sveit en aðrar sveitir á fyrrgreindum tónleikum voru í þyngri kantinum, enda var dauðarokk áberandi á þeim tíma. Allar upplýsingar um Deceived væru því vel þegnar.
Útgáfufyrirtækið og umboðsskrifstofan Demant hf. starfaði um miðjan áttunda áratug síðustu aldar. Fyrirtækið varð ekki langlíft. Það voru þremenningarnir Jón Ólafsson (síðar athafnamaður, þarna aðeins átján ára gamall), Helgi Steingrímsson og Ingibergur Þorkelsson sem komu að stofnun Demants hf. í janúar 1975. Fyrirtækið lét fljótlega að sér kveða á útgáfusviðinu og innan fárra mánaða kom…
Engar upplýsingar eða vísbendingar er að finna um hljómsveitina Deopoeh sem tók þátt í hljómsveitakeppni í Atlavík um verslunarmannahelgina 1985. Ekki er því ólíklegt að sveitin hafi starfað á austanverðu landinu en allar upplýsingar þar af lútandi eru vel þegnar.
Hljómsveitin Demo (Demó) var nokkuð áberandi á dansstöðum höfuðborgarsvæðisins um það leyti sem pönk- og nýbylgjuæðið reið yfir, sveitin var þó á allt annarri línu en hún lék danstónlist með fusion ívafi. Sveitin mun hafa verið stofnuð haustið 1979 en ekki liggur fyrir hverjir skipuðu hana við stofnun. Í ársbyrjun 1980 voru hins vegar Einar…
Hljómsveitin Depression lék um nokkurra mánaða skeið á árunum 1967 og 68 í samkomuhúsum á höfuðborgarsvæðinu. Meðlimir sveitarinnar voru Eyþór Stefánsson gítarleikari, Bjarni Ingólfsson bassaleikari, Guðmundur [?] trommuleikari, Sigurður Jónsson hljómborðsleikari og Albert Aðalsteinsson gítarleikari.
Akureyska hljómsveitin DES (stundum nefnd Dez) starfaði um nokkurra ára skeið á fyrri hluta níunda áratugar síðustu aldar. Sveitin sem skilgreindi sig sem nýbylgjusveit var stofnuð um vorið 1982 og voru meðlimir hennar í upphafi þeir Eiríkur Jóhannsson gítarleikari, Jónas Þór Guðmundsson bassaleikari og Gunnlaugur Stefánsson trommuleikari. Fjórði meðlimurinn, Orri Árnason söngvari bættist í hópinn…
Danssveitin Di di seven var aukasjálf Birgis Sigurðssonar sem átti síðar eftir að starfa einkum undir nafninu Bix (og reyndar fleiri nöfnum). Reyndar kom aðeins eitt lag út með Birgi undir þessu nafni en það var lagið Reality á safnplötunni Icerave (1992), það lag vakti nokkra athygli.
Kammerpoppsveitin Diabolus in musica var í upphafi tilraunastarfsemi nokkurra reykvískra menntaskólanema. Sveitin gaf út tvær plötur með mismunandi liðsskipan, og ól af sér nokkra landsþekkta tónlistarmenn. Sveitin skipar sér í hóp með öðrum viðlíka hljómsveitum sem þá voru starfandi, sveitum eins og Þokkabót, Melchior og jafnvel Spilverki þjóðanna. Upphaf Diabolus in musica má rekja til…
Diabolus in Musica – Hanastél… …á Jónsmessunótt Útgefandi: Steinar / Sena Útgáfunúmer: STLP 010 / STCD 010 Ár: 1976 / 2003 1. Andlát 2. 17°C 3. Rúmba í baði 4. Pétur Jónatansson 5. Templarasyrpan 6. Dinnerinn 7. Kaffilagið 8. Heima er best 9. Eftir nokkra dansa skimar Pétur Jónatansson yfir dansgólfið og kemur auga á Jófríði…
Þuríður Jónsdóttir (iðulega auglýst undir nafninu Didda Jóns eða Didda Jónsdóttir) var söngkona sem kom fram á sjónarsviðið á sjötta áratug síðustu aldar, hún þótti ein allra efnilegasta dægurlagasöngkona sem þá starfaði og var aukinheldur meðal þeirra fyrstu hér á landi. Didda fæddist árið 1935 í Reykjahverfi í Suður-Þingeyjarsýslu en fluttist ung suður til Reykjavíkur,…
Hljómsveitin Digital var skammlíf og starfaði á Ísafirði sumarið 1985. Litlar upplýsingar er að finna um þessa sveit, aðeins er vitað um trommuleikarann, Jökul Úlfsson en hann hafði fáeinum árum áður leikið með Egó. Svo virðist sem saga Digital hafi verið öll um haustið 1985 en allar upplýsingar varðandi þessa sveit væru vel þegnar.
Dínamít var ein þeirra hljómsveita á áttunda áratug síðustu aldar sem stöldruðu stutt við ásamt því sem tíðar mannabreytingar settu svip sinn á starfsemina. Mikil gróska var í íslensku balltónlistarlífi á þeim tíma og tóku fjölmiðlar virkan þátt í að miðla fréttum um ósætti og ósamkomulag innan og milli hljómsveita svo ekki hjálpaði það til.…
Dirty Dan Project, The – The Dirty Dan Project [ep] Útgefandi: Gramm Útgáfunúmer: Gramm 2 Ár: 1981 1. Back stabbers 2. Drifter’s escape 3. Music concrete Flytjendur: Danny Pollock – [?] Mike Pollock – [?] Ásgeir Bragason – trommur
Dirty Dan project var í raun aldrei starfandi nema sem hljóðversverkefni bræðranna Dan og Mike Pollock og trommuleikarans Ásgeirs Bragasonar sem yfirleitt er kenndur við Purrk pillnikk. Tríóið starfaði í tvær nætur sumarið 1981 en um það leyti voru Utangarðsmenn að hætta störfum en þeir bræður starfræktu þá einnig hljómsveitina Bodies auk þess sem Mike…
Danshljómsveitin Dixan starfaði á Akureyri að minnsta kosti um fjögurra ára skeið upp úr 1980. Sveitin lék einkum á árshátíðum, þorrablótum og þess konar skemmtunum norðanlands en ekki liggur fyrir hverjir skipuðu hana eða hversu lengi nákvæmlega hún starfaði. Dixan hafði mögulega að geyma meðlimi sem hétu Júlíus [?] og Birgir [?] en allar upplýsingar…
Dizzy mint family virðist hafa verið skammlíf unglingahljómsveit í Hafnarfirði, starfandi 1996. Engar upplýsingar er að finna um sveitina aðrar en að trommuleikari hennar var Vignir Svavarsson og að hún lék á útitónleikum á Víðistaðatúni í Hafnarfirði vorið 1996. Allar nánari upplýsingar eru vel þegnar.
Díana (Bjarney) Magnúsdóttir söngkona (f. 1943) þótti ein allra efnilegasta dægurlagasöngkona okkar í kringum 1960 þegar henni skaut fram á sjónarsviðið en hún hvarf þaðan jafn snögglega fáeinum árum síðar. Díana sem var upphaflega úr Hveragerði hafði ung byrjað að syngja, hún söng til dæmis í Kór Hlíðardalsskóla í Ölfusi og var á sextánda ári…
Hljómsveitin Dísel Sæmi (Diesel Sæmi) var af höfuðborgarsvæðinu, keppti í Músíktilraunum vorið 1994, var að öllum líkindum skammlíf og verður varla minnst nema fyrir það eina að hafa innanborðs sjálfan Mugison. Dísel Sæmi sem lék sýrurokk komst ekki í úrslit Músíktilraunanna en meðlimir sveitarinnar voru sem fyrr segir Mugison (Örn Elías Guðmundsson) sem var söngvari…
Djasshljómsveit Hauks Ágústssonar starfaði um skeið á Akureyri um miðjan níunda áratug síðustu aldar en um var að ræða djasshljómsveit sem upphaflega var sett saman 1984 og var starfrækt svo með hléum líklega til haustsins 1986 en þá lék sveitin víða um norðanvert landið. Um var að ræða tímabundið verkefni á vegum MENOR (Menningarsamtaka Norðlendinga…
Djúpárdrengir var heiti á söngkvartett sem mun hafa starfað við Menntaskólann á Akureyri á sjöunda áratug liðinnar aldar. Nafnið Djúpárdrengir var íslensk þýðing á nafni bandaríska söngkvartettsins Deep river boys sem starfaði í áratugi og kom tvívegis hingað til lands, 1959 og 63, og hefur án efa verið fyrirmynd norðlenska kvartettsins. Menntaskólakvartettinn mun hafa valið…
Hljómsveitin Djús var starfandi á höfuðborgarsvæðinu árið 1981 Meðlimir sveitarinnar voru Óskar Þorvaldsson trommuleikari, Ólafur Elíasson [?], Ólafur Steinarsson [?] og Styrmir Sigurðsson [?]
Djöflahersveitin var hljómsveit starfrækt á Sauðárkróki 1970-71 en hún spilaði hrátt rokk sem síðar hefði líklega verið skilgreint sem pönk. Meðlimir Djöflahersveitarinnar voru þeir Steinn Kárason söngvari og gítarleikari, Beggi [?] bassaleikari (frá Hofsósi), Hafsteinn Sæmundsson trommuleikari og Björgvin Guðmundsson sem einnig var trommuleikari og hefur líklega þá tekið við af Hafsteini, auk þess var…
Hljómsveitin Doddi & Eyrnastór var skipuð stórum nöfnum úr íslensku tónlistarlífi og starfaði 1991. Meðlimir sveitarinnar voru Þórður Bogason söngvari (Foringjarnir, Rikshaw o.fl.), Sigurður Reynisson trommuleikari (Egó, Drýsill o.fl.), Friðrik Karlsson gítarleikari (Mezzoforte o.fl.), Birgir Bragason bassaleikari (Sálin hans Jóns míns, Milljónamæringarnir o.fl.) og Björn Thoroddsen gítarleikari (Guitar Islancio o.fl.) Þeir Doddi & Eyrnastór virðast…
Allar upplýsingar um hljómsveitina Dog sem starfaði árið 1996 eru vel þegnar, en sveitin spilaði á balli á Akranesi það ár. Sveitin starfaði hugsanlega í því bæjarfélagi.
Don Arden var hvorki íslenskur né bjó hérlendis en plata með honum kom út árið 1954 á vegum Tóniku þar sem hann söng við undirleik strengjasveitar undir stjórn Ólafs Gauks, og því er sjálfsagt og eðlilegt að umfjöllun birtist um hann hér. Don Arden (fæddur 1926) var breskur eftirhermusöngvari sem sérhæfði sig í að herma…
Hljómsveitin Dolfall starfaði á Seyðisfirði sumarið 1978, hugsanlega einnig 1977. Meðlimir sveitarinnar voru Tommi [?] gítarleikari, Scotti [?] bassaleikari, Siggi [?] hljómborðsleikari, Halli [?] trommuleikari, Auda [?] söngvari og Inga [?] söngvari. Ef einhver hefur nánari upplýsingar um nöfn meðlima Dolfalls má hinn sami gjarnan hafa samband, einnig varðandi líftíma sveitarinnar og annað sem skiptir…
Don Arden [ep] Útgefandi: Músikbúðin Tónika Útgáfunúmer: P 107 Ár: 1954 1. Eftirhermur 2. Sleeping Beauty Flytjendur: Don Arden – söngur rhythmakvartett leikur – [engar upplýsingar um flytjendur] strengjasveit leikur undir stjórn Ólafs Gauks – [engar upplýsingar um flytjendur]
Donde‘s band (Eli Donde orkester) var reyndar ekki íslensk heldur dönsk djasshljómsveit danska fiðluleikarans Eli Donde (1911-40) sem var ráðin sem hljómsveit hússins á Hótel Borg þegar það opnaði 1930. Sveitin spilaði um sex mánaða skeið um veturinn 1930-31 á Borginni en ekki liggja fyrir neinar upplýsingar um það hverjir skipuðu sveitina auk hljómsveitarstjórans en…
Sextettinn Doria starfaði um tíma á höfuborgarsvæðinu 1996. Sveitin var stofnuð upp úr Langbrók sem hafði starfað nokkru áður en úr þeirri sveit komu Baldur Sigurðarson hljómborðsleikari, Aðalsteinn Bjarnþórsson gítarleikari, Pétur Jensen bassaleikari og Andri Hrannar Einarsson trommuleikari, söngkonurnar Regína Ósk Óskarsdóttir og Bryndís Sunna Valdimarsdóttir (sem voru þá einnig í Söngsystrum) voru fimmti og…
Hljómsveitin Dormus starfaði á höfuðborgarsvæðinu 1999 og keppti þá um vorið í Músíktilraunum Tónabæjar. Meðlimir Dormus í Músíktilraunum voru Guðmundur Davíð Hermannsson söngvari og gítarleikari, Daníel Freyr Kristínarson bassaleikari og Ottó Reimarsson trommuleikari. Þríeykið komst ekki áfram í tilraununum og sást ekki meir að þeim loknum.
Hljómsveitin Dóminik (Dominik) lék víða á dansstöðum höfuðborgarsvæðisins á sínum tíma og var höfuðvígi þeirra í Hafnarfirðinum, svo ekki er ólíklegt að sveitin hafi verið starfrækt þar í bæ. Elstu heimildir um sveitina er að finna frá 1976 og virðist hún hafa starfað þar til í byrjun árs 1979 að minnsta kosti. Mannabreytingar voru einhverjar…
Dónar svo bláir var ein hljómsveit af mörgum sem pönksveitin Fræbbblarnir ól af sér, flestar innihéldu þær Valgarð Guðjónsson söngvara og Stefán Guðjónsson trommuleikara. Meðlimir Dóna svo blárra voru auk Valgarðs og Stefáns, gítarleikarararnir Arnór Snorrason og Kristinn Steingrímsson en annar þeirra hlýtur þó að hafa leikið á bassa í þessari sveit. Sveitin kom ekki…
Dóru Sigurðsson sópransöngkonu verður helst minnst fyrir að vera fyrsta söngkonan sem söng á plötu hérlendis. Dóra (f. Dora Köcher) var reyndar þýsk, fædd 1892 (sumar heimildir segja 1893) og nam söng í Dresden þar sem hún kynntist verðandi eiginmanni sínum Haraldi Sigurðssyni píanóleikara (1892-1985) frá Kaldaðarnesi í Flóa, sem þar nam einnig. Hann varð…
Dóra Sigurðsson [78 sn.] Útgefandi: Hljóðfærahús Reykjavíkur Útgáfunúmer: Polyphone XS 44190 Ár: 1926 1. Draumalandið 2. Vetur (Hvar eru fuglar) Flytjendur: Dóra Sigurðsson – söngur Haraldur Sigurðsson – píanó Dóra Sigurðsson [78 sn.] Útgefandi: Hljóðfærahús Reykjavíkur Útgáfunúmer: Polyphone XS 44224 Ár: 1927 1. Du bist wie eine Blume 2. Ein sit ég úti…
Ballhljómsveitin Dr. Sáli starfaði framan af í Vestmannaeyjum en síðar á höfuðborgarsvæðinu eftir því sem heimildir herma. Ekki er ljóst hverjir skipuðu Dr. Sála að öllu leyti en 1993 mun hún hafa verið níu manna sveit, þá voru meðlimir hennar Gunnlaug Rósalind Sigurðardóttir, Guðlaugur Ólafsson, Óskar Sigurðsson, Pétur Erlendsson [gítarleikari?], Viktor Ragnarsson bassaleikari, Hersir Sigurgeirsson,…
Verslunin Drangey sem margir þekkja í Smáralindinni á sér langa og merka sögu og er hluti þeirrar sögu (1945-65) tengdur íslenskri tónlistarsögu. Drangey var upphaflega matvöruverslun á Grettisgötu 1 en þar opnaði hún 1934. Árið 1936 keypti María Samúelsdóttir Ammendrup verslunina og fimm árum síðar flutti hún á Laugaveg þar sem hún var staðsett næstu…
Hljómsveitin Draumasveitin var tímabundið verkefni í kringum útgáfu fyrstu sólóplötu Egils Ólafssonar, Tifa tifa, sem kom út fyrir jólin 1991. Þeir Ásgeir Óskarsson trommuleikari og Haraldur Þorsteinsson bassaleikari höfðu leikið í upptökunum fyrir plötuna og voru tilbúnir í verkefnið en auk þeirra bættust í hópinn Þorsteinn Magnússon og Björgvin Gíslason gítarleikarar og Berglind Björk Jónasdóttir…
Afar litlar upplýsingar liggja fyrir um ballhljómsveitina Draumsýn sem starfaði að minnsta kosti 1977. Michael Clausen gítarleikari [?] og Erling Kristmundsson trommuleikari [?] voru þó meðal sveitarliða en þeir störfuðu síðar saman í hljómsveitinni Basil fursta. Lesendur mega fylla inn í eyðurnar um Draumsýn ef þeir hafa frekari upplýsingar um hana.
Hljómsveitin Draumsýn starfaði í Réttarholtsskóla í tvo vetur, að öllum líkindum 1977-79, og innihélt tvo fræga einstaklinga. Meðlimir Draumsýnar voru Björk Guðmundsdóttir söngkona og þverflautuleikari, Gunnlaugur Helgason trommuleikari og síðar útvarpsmaður, Einar Sigurðsson bassaleikari og Eyjólfur Alfreðsson síðar fiðluleikari en lék líklega á gítar í þessari sveit. Þótt Draumsýn yrði ekki þekkt utan skólans náði…
Keflvíska hljómsveitin Drákon kom við sögu í tveimur hljómsveitakeppnum árið 1997 en síðan hefur farið lítið fyrir henni. Sveitin sem spilaði eins konar þungt rokk, vakti fyrst athygli vorið 1997 í Músíktilraunum Tónabæjar þar sem hún komst alla leið í úrslit. Meðlimir sveitarinnar voru þá Eyjólfur Kristinsson söngvari, Jóhann Davíð Albertsson trommuleikari, Arnar Már Frímannsson…
Erfitt er að henda reiður á hvenær hljómsveitin Drekar störfuðu nákvæmlega en elstu heimildir um þá sveit er að finna frá 1964. Síðan hættu Drekar störfum en birtust aftur um fimm árum síðar, 1969. Allar líkur eru á að um sömu sveit sé að ræða. Nokkuð er á huldu hverjir Drekar voru en þó liggur…
Drekar var hljómsveit sem sérhæfði sig í gömlu dönsunum og lék aðallega á dansstöðum borgarinnar um tólf ára skeið á árunum 1975-87. Engar upplýsingar finnast um meðlimi Dreka eða hvort einhver tengsl séu á milli sveitanna tveggja sem báru þetta nafn. Þó liggur fyrir að Mattý Jóhanns (Matthildur Jóhannsdóttir) söng með sveitinni og Hjördís Geirs…
Hljómsveitin Drekkum það dry starfaði á Akureyri 1987. Meðlimir sveitarinnar voru Stefán Brynjarsson söngvari, Jón Árnason gítarleikari, Þorvaldur Egilsson bassaleikari og Axel (Flex) Árnason trommuleikari. Allar nánari upplýsingar vantar en hugsanlega var þessi sveit enn starfandi 1989.
Drengjakór Fríkirkjusafnaðarins (Drengjakór Fríkirkjunnar) var starfræktur tvo vetur á árunum 1951-53 en undirbúningur fyrir stofnun hans hófst 1950. Guðmunda Elíasdóttir stýrði kórnum sem kom í fyrsta skipti fram á sumardaginn fyrsta vorið 1951, og í nokkur skipti eftir það. Andrés Indriðason var líkast til eini þjóðþekkti Íslendingurinn sem var í þessum drengjakór.
Drengjakór Reykjavíkur (hinn fyrri) var einn fyrsti drengjakór sem starfaði hérlendis, líklega sá fyrsti fyrir utan drengjakórinn Vonina sem starfaði um aldamótin 1900. Jón Ísleifsson söngkennari við Miðbæjarskólann hafði haustið 1935 æft saman nokkra árganga drengja á aldrinum 11-15 ára sem sungu m.a. við guðsþjónustur, í janúar 1936 var kórinn hins vegar formlega stofnaður og…
Drengjakórinn var að öllum líkindum skammlíf hljómsveit starfandi 1990. Um meðlimi hennar er ekki vitað annað en að Bergsteinn Björgúlfsson var trommuleikari hennar.
Glatkistan 