N.A.S.T. (1981-82)

N.A.S.T.

N.A.S.T.

Litlar upplýsingar er að finna um hljómsveitina N.A.S.T. (Nast) úr Kópavogi en sveitin var ein þeirra pönksveita sem spratt upp úr þeirri bylgju upp úr 1980.

N.A.S.T. var stofnuð vorið 1981 og fáeinum vikum síðar lék sveitin opinberlega. Hátindi frægðar sveitarinnar var síðan náð þegar hún lék ásamt fleiri pönk- og nýbylgjusveitum á tónleikum um sumarið undir yfirskriftinni Annað hljóð í strokkinn.

Meðlimir sveitarinnar voru á unglingsaldri en þeir voru Rögnvaldur Hallgrímsson, Einar Þorvaldsson, Arnar Már Ólafsson, Kristján Guðbjörnsson og Sveinn Hilmarsson, ekki liggja fyrir upplýsingar um hljóðfæraskipan hennar.

N.A.S.T. starfaði fram á 1982.