La bella lúna end ðe lúní tjúns (1987-)

engin mynd tiltækLa Bella lúna end ðe lúní tjúns er hljómsveit sem hefur starfað á Stöð 2 um árabil, hún var stofnuð á upphafsárum sjónvarpsstöðvarinnar og er í raun enn starfandi þó lítið hafi farið fyrir henni síðan 2005.

Sveitin var stofnuð 1987 og lék á öllum helstu skemmtunum innan Stöðvar 2 næstu árin, skipan hennar var mismunandi en meðal meðlima má nefna Þór Freysson gítarleikara, Friðrik Friðriksson gítarleikara, Heru Ólafsdóttur söngkonu, Björn Vilhjálmsson bassaleikara, Þorgeir Ástvaldsson harmonikkuleikara, Egil Aðalsteinsson maracasleikara, Börk B. Baldvinsson maracasleikara, Bergstein Björgúlfsson trommuleikara og söngvara, Þórð Jónsson ásláttarleikara, Hreiðar Júlíusson ásláttarleikara, Heimi Barðason saxófónleikara, Henning Haraldsson gítarleikara og Finnboga Pétursson mandólínleikara. Enn fleiri munu hafa komið við sögu hennar.