Jassinn (1929 – 1934)

engin mynd tiltækEkki liggur alveg ljóst fyrir hvenær nákvæmlega danshljómsveitin Jassinn starfaði í Vestmannaeyjum en hún var þó að minnsta kosti starfandi 1929-34. Það þarf vart að taka fram að hún var fyrsta hljómsveit sinnar tegundar í Eyjum, ekki hefur þó verið um eiginlega djasssveit að ræða.

Meðlimir Jassins voru þeir Ingi Kristmannsson píanóleikari, Hafsteinn Snorrason saxófónleikari, Eyjólfur Ottesen trommuleikari og hinn eini sanni Oddgeir Kristjánsson sem var fiðluleikari. Sveitin lék á mörgum samkomum sem haldnar voru á þessum árum í Vestmannaeyjum, meðal annarra laga flutti sveitin frumsamin lög eftir Oddgeir og má þar til dæmis nefna fyrstu þjóðhátíðarlög hans, og lagið Innocent (eftir púrtvíntegund sem naut vinsælda í Vestmannaeyjum) sem síðar varð landsfrægt undir heitinu Ship-o-hoj.