Júníus Meyvant á Hróarskeldu

Júníus Meyvant

Júníus Meyvant á Airwaves í fyrrahaust

Fyrr í dag sendi Roskilde Festival út tilkynningu með öllum þeim flytjendum sem munu koma fram á hátíðinni í sumar en hún fer fram um mánaðarmót júní og júlí.

Þeirra á meðal var Júníus Meyvant tilkynntur, en hann kemur fram á fimmtudeginum í Pavilion tjaldinu. Hann er því eini íslenski flytjandinn sem kemur fram á hátíðinni eftir að hún er formlega hafin á miðvikudeginum.

Framundan hjá Júníusi Meyvant er hans fyrsta breiðskífa sem verður tilkynnt á allra næstu dögum, létt spilamennska hér heima og úti en í haust verður mikið um tónleikaferðalög.

Aðrir flytjendur sem voru tilkynntir í dag með lokadagskránni eru Neil Young, Red Hot Chili Peppers, Grimes, New Order, Gojira, Santigold og margir fleiri.