Þörungarnir (1988 – 1992)

engin mynd tiltækHljómsveitin Þörungarnir kom frá Djúpavogi og var starfandi árunum 1988 til 1992.

Sveitin keppti í Músíktilraunum 1991 og skipuðu sveitina þá Ægir Ingimundarson gítarleikari, Eiður Ragnarsson söngvari og gítarleikari, Karl Elvarsson söngvari, Róbert Elvarsson trommuleikari og Guðmundur Gunnlaugsson bassaleikari.

Sveitin hafði ekki erindi sem erfiði í Músíktilraunum, komst ekki í úrslit enda um að ræða gleðipoppsveit innan um harðasta dauðarokk sem þá náði hámarki í Músíktilraunum.

Kristján Ingimarsson var lengst af söngvari sveitarinnar en einnig var Sigurður Ágúst Jónsson gítarleikari um tíma í sveitinni.