Júnó og Eyþór

Júnó kvintett starfaði í Stykkishólmi á árunum 1963 til 1966, og hugsanlega lengur.

Júnó lék einkum á héraðsmótum á heimaslóðum og nágrenni en munu reyndar einnig hafa farið suður til Reykjavíkur og þá leikið t.d. í Glaumbæ.

Liðsmenn sveitarinnar voru þeir Sigurður Björgvinsson [?], Friðrik Alexandersson gítarleikari, Jón Svanur Pétursson [?], Ólafur Geir [Þorvarðarson?] saxófónleikari, Haddi [?] Sigurðsson trommuleikari og Eyþór Lárentsínusson söngvari en sveitin var stundum auglýst sem Júnó og Eyþór. Svo virðist sem einhvern tímann hafi Steini [?] leikið með sveitinni. Frekari upplýsingar óskast um nöfn meðlima sveitarinnar og hljóðfæraskipan.