Pass frá Akureyri

Akureyska hljómsveitin Pass starfaði að minnsta kosti í eitt og hálft ár við lok níunda áratugarins og lék víða á þeim tíma.

Pass var stofnuð haustið 1987 en meðlimir sveitarinnar voru þá Þórir Jóhannsson bassaleikari (Kandís o.fl.), Halldór Hauksson trommuleikari (Chaplin, N1+ o.fl.), Jón Elfar Hafsteinsson gítarleikari (Stjórnin o.fl.) og Vilhelm Hallgrímsson hljómborðsleikari, Júlíus Guðmundsson (Namm, Gallerí o.fl.) var söngvari sveitarinnar.

Pass lék einkum tónlist eftir aðra og eftir að hafa verið fastur gestur í Sjallanum á Akureyri lék sveitin undir í tónlistarsýningunni Rokkskór og bítlahár sem sett var á svið.

Sveitin lék í þeirri sýningu út árið 1988 en ekki liggur fyrir hvort Pass starfaði lengur eða hvort einhverjar mannabreytingar hefðu átt sér stað í henni.