Danshljómsveit Vestfjarða (1977-81)

Danshljómsveit Vestfjarða

Danshljómsveit Vestfjarða var starfrækt á Ísafirði 1977–81. Hún var stofnuð 1977 af nokkrum meðlimum hljómsveitarinnar Ýrar, sem þá hafði verið starfandi síðan 1973. Meðlimir sveitarinnar voru Rafn Jónsson trommuleikari, Reynir Guðmundsson söngvari, Sigurður Rósi Sigurðsson gítarleikari og Örn Jónsson, sem allir höfðu verið í Ýr, auk þeirra voru Sven Arve Hovland gítar- og trompetleikari og Jóhannes Johnsen hljómborðsleikari í sveitinni.

Vorið eftir (1978) bættust þau Vilberg Viggósson hljómborðsleikari, Rúnar Þórisson gítarleikari, Hörður Ingólfsson hljómborðs- og ásláttarleikari og Ásdís Guðmundsdóttir söngkona í hópinn en Sigurður Rósi, Reynir, Sven Arve og Jóhannes hættu í staðinn þannig að segja má að sveitin hafi nánast skipt alveg um liðsskipan.

Óhætt er að segja að í framhaldinu hafi skipan sveitarinnar verið ærið flókin en átta manns (Rafn, Reynir, Örn, Sven Arve, Vilberg, Rúnar, Hörður og Ásdís) skiptust þá um halda nafni hennar á lofti en yfirleitt voru um fimm eða sex manns í henni í senn.

Um haustið 1979 komst hljómsveitin í fréttir fjölmiðla þegar hún lék við hjónavígslu í Ísafjarðarkirkju og hefur sú athöfn verið kölluð fyrsta rokkbrúðkaup Íslands, þar mun brúðarmarsinn m.a. hafa verið leikinn í reggae útsetningu

Danshljómsveit Vestfjarða starfaði áfram en lék fremur stopult undir lokin, síðasti dansleikur sveitarinnar hefur að öllum líkindum verið í félagsheimilinu í Hnífsdal um áramótin 1980-81.