Endurvinnslan (1996)

engin mynd tiltækHljómsveitin Endurvinnslan var tímabundið verkefni Eiríks Haukssonar og fyrrum félaga hans úr Drýsli sumarið 1996. Sveitin var stofnuð gagngert til að taka þátt í umhverfisátaki Ungmennafélags Íslands og Umhverfissjóðs verslunarinnar undir slagorðum eins og „Rokkum gegn rusli“ og „Flöggum hreinu landi“. Nafn sveitarinnar hafði því tvenns konar skírskotun, annars vegar tengda umhverfisátakinu, hins vegar tengda „gömlum rokkhundum“ sem verið var að endurvinna.

Endurvinnslan fór í tveggja mánaða túr um landið til að vekja athygli á þessu verkefni og var platan Búnir að ‘eika’ða gefin út um leið. Eiríkur kom til landsins til þessa verkefnis en hann hafði þá verið búsettur í Noregi um nokkurra ára skeið, að því loknu fór hann aftur til Noregs.

Endurvinnsluna skipuðu þeir Eiríkur Hauksson söngvari og gítarleikari, Sigurgeir Sigmundsson gítarleikari, Jón Ólafsson bassaleikari, Sigurður Reynisson trommuleikari og Kjartan Valdemarsson hljómborðsleikari en sá síðast taldi lék einungis með sveitinni á höfuðborgarsvæðinu.

Platan, sem að mestu hafði að geyma tónlist eftir Björn Björnsson, mest var um að ræða rokk. Hún var tekin upp og hljóðblönduð í Stöðinni af Ólafi Halldórsson og fékk að því er virðist sæmilegar viðtökur en eini plötudómurinn sem birtist um hana kom í Degi á Akureyri, þar fékk hún þokkalega dóma.

Efni á plötum