Nova [1] (1998 – 1999)

engin mynd tiltækNova var rokksveit af höfuðborgarsvæðinu, starfandi 1998-99.

Meðlimir hennar höfðu verið í sveitum eins og Soðinni fiðlu sem sigruðu Músíktilraunum 1997 og þar áður Tjalz Gissur en þeir voru Egill Tómasson gítarleikari, Arnar Snær Davíðsson bassaleikari, Júlía Sigurðardóttir söngkona, Einar Þór Hjartarson gítarleikari og Orri Páll Dýrason trommuleikari.

Nova deildi æfingahúsnæði með Sigur rós og þegar trommari þeirrar sveitar, Ágúst Ævar Gunnarsson hætti, um það leyti er platan Ágætis byrjun var að koma út (sumarið 1999), sjanghæjuðu þeir Orra Pál yfir í Sigur rós þar sem hann síðar gerði garðinn frægan.

Þórarinn Egill Þórarinsson (Komodo draghon) var einnig í Novu en hann gæti hafa verið sá sem síðan tók við af Orra Páli.

Sveitin lifði til hausts 1999.