Kling klang kvintettinn naut mikilla vinsælda á stríðsárunum og hefðu vinsældir hans eflaust orðið á borð við MA-kvartettsins hefðu þeir gefið út plötur. Úr því varð þó aldrei. Kling klang sem var söngkvintett, var stofnaður 1936 af nokkrum félögum úr Kátum félögum sem var eins konar uppeldiskór fyrir Karlakórinn Fóstbræður. Lengst af voru félagarnir fimm…
Klotera er hljómsveit starfandi 1997 en það árið keppti hún í hljómsveitakeppninni Rokkstokk í Keflavík, sem þá var haldin í fyrsta skipti. Lag með sveitinni rataði síðan í kjölfarið á safnplötuna Rokkstokk 97. Ekki liggja fyrir nánari upplýsingar um hljómsveitina.
Hljómsveitin Konsert tók þátt í Músíktilraunum vorið 1986 en komst þar ekki í úrslit. Í sveitinni voru Ingólfur Sigurðsson trommuleikari (SSSól, Rauðir fletir o.fl.), Valdimar Bragi Bragson gítarleikari (Rauðir fletir, Nýdönsk), Hermann Jónsson bassaleikari (Rauðir fletir), Bergur Már Bernburg hljómborðsleikari (Nýdönsk), Sturla [?], og Jói [Jóhann Sigfússon?]. Ekki er ljóst á hvaða hljóðfæri þeir tveir…
Kópabandið var níu manna sveit, afsprengi Skólahljómsveitar Kópavogs og starfaði líklega á árunum 1976-79. Þessi sveit hafði að geyma nokkra meðlimi sem síðar áttu eftir að vekja athygli á öðrum vettvangi í tónlistarheiminum s.s. Birgir Baldursson trommuleikara og Jóhann Morávek bassaleikara og kórstjórnanda. Einnig er hugsanlegt að Sigurður Flosason saxófónleikari hafi verið í Kópabandinu en…
Hljómsveitin Kórak var skammlíf sveit, starfaði líklega einungis um nokkurra mánaða skeið 1992. Meðlimir sveitarinnar áttu þó flestir eftir að gera garðinn frægan annars staðar en þeir voru Gunnar Þór Jónsson gítarleikari (Sóldögg o.fl.), Tómas H. Jóhannsson trommuleikari (Tríó Jóns Leifs, Sálin hans Jóns míns o.fl.), Guðmundur Aðalsteinsson bassaleikari (Víbrar[2]), Haraldur Gunnlaugsson gítarleikari (Brak o.fl.)…
Bjarki Þór Guðmundsson trommuleikari, Þorsteinn Gíslason gítarleikari, Hallur H. Jónsson hljómborðsleikari, Sigurbjörn Gíslason [?], Sturlaugur A. Gunnarsson bassaleikari og Gunnar Gunnarsson saxófónleikari skipuðu hljómsveitina Kraumfenginn en hún keppti í Músíktilraunum árið 2000. Þrátt fyrir að sveitin kæmist ekki áfram í úrslit var Hallur kjörinn besti hljómborðsleikari tilraunanna í það skiptið. Ekki liggja fyrir frekari upplýsingar…
Hljómsveitin Kredit frá Akureyri var starfandi á árunum 1990 – 1994, en 1993 átti sveitin lag á safnplötunni Landvættarokk. Á þeirri plötu var Kredit skipuð þeim Hauki Pálmasyni söngvara og trommuleikara, Ágústi Böðvarssyni bassaleikara og Ingvari Valgeirssyni gítarleikara. Einnig var Haraldur Davíðsson söngvari í sveitinni. Sigurður Ingimarsson var fyrsti söngvari og gítarleikari sveitarinnar en ekki…
Söngkonan Kristbjörg (Didda) Þorsteinsdóttir Löve var mörgum unnendum gömlu dansanna kunn en hún var söngkona í mörgum vinsældum danshljómsveitum á áttunda og níunda áratug 20. aldarinnar. Kristbjörg (f. 1947) hóf að syngja með danshljómsveitum um 1970, fyrst með G.P. kvintettnum en síðar með ýmsum sveitum eins og hljómsveitum Gunnars Ormslev, Jóns Páls Bjarnasonar (á Hótel…
Hljómsveitin Kruml úr Reykjavík keppti í Músíktilraunum 1999 og var þá skipuð þeim Agnari Burgess söngvara, Jóni Þór Ólafssyni gítarleikara, Steingrími Þórarinssyni bassaleikara og Davíð Erni Hlöðverssyni trommuleikara. Sveitin komst ekki í úrslit.
Kvartett Gunnars Ormslev var starfandi í kringum miðja 20. öldina. Hann var skipaður þeim Árna Elfar píanóleikara, Jóni Sigurðssyni bassaleikara, Guðmundi R. Einarssyni trommuleikara og Gunnari sjálfum sem lék á tenórsaxófón. Til eru upptökur með kvartettnum og m.a. má heyra þá leika á plötunni Jazz í 30 ár sem gefin var út í minningu Gunnars.…
Hljómsveit starfandi 1987 í Stykkishólmi. Sigurður Ingi Viðarsson gítarleikari, Kristinn Þór Erlendsson bassaleikari, Unnsteinn Logi Eggertsson trommuleikari, Svavar Guðmundsson hljómborðsleikari og Jón Þór Sturluson söngvari og trompetleikari skipuðu sveitina sem lenti í þriðja sæti Músíktilrauna vorið 1987 (á eftir Stuðkompaníinu og Metan). Sama sumar keppti sveitin í hljómsveitakeppni í Húsafelli um verslunarmannahelgina og lenti þar…
Kvikmyndir eiga sér ekki mjög langa sögu á Íslandi, og því síður kvikmyndatónlist. Það hefur þó aukist á síðustu árum að kvikmyndagerðarmenn hafi lagt metnað sinn í að vinna tónlist við myndir sínar og um leið lagt á það áherslu að tónlistin sé gefin út samhliða sýningu myndanna. Hér verður einungis stiklað á stóru um…
La Bella lúna end ðe lúní tjúns er hljómsveit sem hefur starfað á Stöð 2 um árabil, hún var stofnuð á upphafsárum sjónvarpsstöðvarinnar og er í raun enn starfandi þó lítið hafi farið fyrir henni síðan 2005. Sveitin var stofnuð 1987 og lék á öllum helstu skemmtunum innan Stöðvar 2 næstu árin, skipan hennar var…
Engar upplýsingar finnast um hljómsveitina Lafmóð en hún gæti hafa verið starfandi um eða fyrir aldamótin 2000. Vísbendingar benda til að hún hafi jafnvel verið starfandi á Suðurnesjunum.
Lagasafnið var safnplötusería með innlendum flytjendum, ein lífseigasta sería sinnar tegundar hérlendis. Serían var byggð utan um hugmynd Axels Einarssonar hjá hljóðverinu Stöðinni, og gáfu flytjendurnir (sem oft voru óþekktir einyrkjar og hljómsveitir) sjálfir plöturnar út, því var fyrst og síðast hægt að tala um hugsjónastarf fremur um gróðafyrirtæki. Þær komu út bæði á geisladisk og…
Hljómsveitin LagEr varð ekki langlíf, starfaði um nokkurra mánaða skeið veturinn 1980-81. Meðlimir hennar voru Þröstur Þorbjörnsson gítarleikari, Jón Björgvinsson trommuleikari, Jóhann Morávek bassaleikari, Ólafur Örn Þórðarson hljómborðsleikari (ein heimild segir Ólafur Sigurðsson) og Jón Rafn Bjarnason söngvari. Sá síðarnefndi hafði einmitt stuttu áður sent frá sér litla tveggja laga sólóplötu. LagEr var sem fyrr…
Hafnfirska hljómsveitin Laglausir varð sú sigursveit Músíktilrauna sem tengdi gleðipoppið við dauðarokkið en sigurvegarar áranna á undan höfðu verið gleðipoppsveitir sem síðan herjuðu á sveitaböllin. Laglausir léku þétt rokk en í kjölfarið fylgdu mun harðari sveitir árin á eftir. Sveitin hafði verið lengi starfandi áður en hún sigraði Músiktilraunirnar, hún var stofnuð í Lækjaskóla í…
Laglausir – [engar upplýsingar] Útgefandi: – Útgáfunúmer: [engar upplýsingar] Ár: 1989 1. [engar upplýsingar um efni] Flytjendur Laglausir – engar upplýsingar
Hljómsveitin Lalli og ljósastauragengið mun hafa verið starfrækt 1986 en það haustið tók sveitin þátt í Músíktilraunum Tónabæjar. Sveitin komst ekki í úrslit. Meðlimir sveitarinnar voru þeir Ingólfur Sigurðsson trommuleikari (SSSól, Greifarnir o.fl.), Kolbeinn Einarsson gítarleikari (Rauðir fletir o.fl.), Guðlaugur Guðmundsson bassaleikari (Blátt áfram o.fl.) og Ingimar Bjarnason söngvari (Örkuml, Ástríkur í helvíti o.fl.).
Sumarið 1989 var til hljómsveit sem bar hið einkennilega nafn Lagt til þerris. Því miður liggja engar upplýsingar fyrir um þessa sveit en samkvæmt blaðaauglýsingu gæti hún hafa flutt frumsamið efni á tónleikum.
Lalli og sentimetrarnir var hljómsveit frá Akranesi sem keppti í Músíktilraunum 1989. Sveitin komst í úrslit keppninnar. Lárus Halldórsson var trommuleikari sveitarinnar en aðrir meðlimir hennar voru Leifur Óskarsson gítarleikari, Þorbergur Auðunn Viðarsson söngvari, Hrannar Örn Hauksson bassaleikari og Hjörleifur Halldórsson hljómborðsleikari.
Lamarnir ógurlega var ekki eiginleg hljómsveit heldur sá hópur sem vann plötuna Nóttin langa sem Bubbi Morthens sendi frá sér fyrir jólin 1989. Hópurinn innihélt þá Bubba sjálfan, Svíann Cristian Falk sem hafði unnið með honum nokkrar plötur þegar hér var komið sögu, Johan Söderberg slagverksleikara, Ken Thomas upptökumann og Hilmar Örn Hilmarsson sem kannski…
Hvergi er að finna neinar upplýsingar um hljómsveitina Landar, en hún mun hafa verið starfandi 1970.
Hljómsveitin Landátt starfaði líklegast við Ólafsfjörð en hún innihélt m.a. Jón Árnason harmonikkuleikara á Syðri-Á. Landátt var starfandi til 1982 en þá hætti hún, ekki liggur fyrir hversu lengi hún hafði þá starfað eða hverjir aðrir en áðurnefndur Jón skipuðu þessa sveit.
Kór starfsmanna Landsbankans í Reykjavík eða Landsbankakórinn starfaði um árabil og söng við ýmsar uppákomur og tækifæri, hann fór meira að segja utan í söngferðalag í að minnsta kosti eitt skipti en kórinn, sem var blandaður kór, taldi líklega um þrjátíu til fjörtíu manns þegar mest var. Landsbankakórinn var stofnaður haustið 1989 og var Ólöf…
Hljómsveitin Landshornarokkarar var stofnuð vorið 1981 en hana skipuðu þremenningarnir Axel Einarsson söngvari og gítarleikari, Ágúst Ragnarsson bassaleikari og Ólafur Kolbeins trommuleikari. Sveitin spilaði víða á sveitaböllum þá um sumarið og næsta sumar (1982) en svo spurðist lítið til hennar þar til vorið 1984, að hún fór í samstarf með kvennasveitinni Jelly systur og herjaði…
Landskór[ið] var hundrað og fimmtíu manna karlakór sem söng á Alþingishátíðinni 1930. Þessi kór innihélt meðlimi úr kórum innan Sambands íslenskra karlakóra sem þá var nýstofnað. Þessir kórar voru Karlakór Reykjavíkur, Karlakór Ísafjarðar, Stúdentakórinn (Söngfélag stúdenta), Karlakór KFUM, Karlakórinn Geysir og Karlakórinn Vísir. Sigurður Birkis og Jón Halldórsson önnuðust æfingar og stjórn kórsins. Tveggja laga…
Landskórið – Ó, guð vors lands / Vorið kemur [78 sn.] Útgefandi: Fálkinn Útgáfunúmer: Columbia DI 1001 Ár: 1930 1. Ó, guð vors lands 2. Vorið kemur Flytjendur Landskórið undir stjórn Jóns Halldórssonar – söngur
Sönglagakeppnin Landslagið var haldin í fjórgang á árunum 1989-92 og í fimmta skiptið árið 2001. Keppnin átti að verða eins konar svar við Eurovision undankeppninni sem haldin var í fyrsta skiptið hérlendis 1986 á vegum Ríkissjónvarpsins, en Stöð 2 og Bylgjan voru meðal þeirra sem héldu keppnina að frumkvæði Axels Einarssonar hjá útgáfufyrirtækinu og hljóðverinu…
Langbrók var sveitaballaband sem gerði garðinn frægan um miðjan tíunda áratug síðustu aldar. Sveitin lék víða um land fjölbreytilega tónlist og viðhafði ýmsar uppákomur, hvort sem það var á öldurhúsum höfuðborgarsvæðisins eða úti á landsbyggðinni. Sveitin var stofnuð snemma árs 1993 og hafði sama kjarnann að mestu á að skipa þann tíma er hún starfaði…
Hljómsveitin Lassie (gæti hafa verið dúett) varð skammlíft verkefni þeirra Ásgeirs Sæmundssonar (Geira Sæm) og Styrmis Sigurðssonar, sem höfðu áður unnið saman m.a. í Pax Vobis. Sveitin kom fram í skemmtiþætti Hemma Gunn vorið 1994 og lék tónlist sem var í ætt við fyrri sveitir þeirra, og þá gáfu þeir út að plata væri á…
Hljómsveitin Laufið var stofnuð í Hafnarfirði snemma árs 1974 af ungum og upprennandi tónlistarmönnum en Björn Thoroddsen gítarleikari var meðal þeirra. Ekki liggur fyrir hverjir aðrir stóðu að sveitinni í upphafi en sumarið 1975 var sveitin skipuð þeim Geir Gunnarssyni söngvara, Gylfa Má Hilmissyni gítarleikara, Svavari Ellertssyni trommuleikara og Jóni Trausta Harðarsyni bassaleikara, auk Björns.…
Hljómsveitin Lava var stofnuð í Svíþjóð sumarið 1976 af hjónunum Janis Carol söngkonu og Ingvari Árelíussyni bassaleikara ásamt Erlendi Svavarssyni trommuleikara, Ragnari Sigurðssyni gítarleikara og Ingva Steini Sigtryggssyni hljómborðsleikara en öll höfðu þau gert garðinn frægan með hljómsveitum hér heima, hópurinn fór gagngert til Svíþjóðar til að starfa við tónlist. Sænskur umboðsmaður annaðist mál þeirra…
Hljómsveitin Laxar gerði garðinn frægan á norðanverðu landinu á árunum milli 1966 og 1971. Laxar voru stofnaðir á Akureyri sumarið 1966 en heimildir um upphafsár hennar eru af skornum skammti, það var ekki fyrr en 1968 að söngkona kom til sögunnar en hún heitir Sæbjörg Jónsdóttir og var iðulega nefnd Lalla. Sveitin gekk því undir…
Lárus Ingólfsson (f. 1905) var einn kunnasti vísna- og gamansöngvari þjóðarinnar meðan sú listgrein var og hét. Hann var menntaður leikari og leikmynda- og búningahönnuður, hafði numið í Lúxemborg og Danmörku þar sem hann reyndar starfaði til 1933 en þá kom hann heim til Íslands og hóf störf hjá Leikfélagi Reykjavíkur, og síðan Þjóðleikhúsinu þegar…
Hljómsveitin Lebensraum starfaði í Menntaskólanum á Egilsstöðum veturinn 1997 til 98 og kom þá í nokkur skipti fram opinberlega. Sveitin lék meðal annars í tónlistarkeppninni Rokk 5 í ME og síðan eitthvað meira áður en hún lagði upp laupana líklega um vorið 1998. Litlar upplýsingar er að finna um þessa sveit en fyrir liggur að…
Hljómsveitin Leggöng tunglsins keppti í Músíktilraunum Tónabæjar árið 1999 en sveitin var þá aðeins um mánaðargömul. Hákon Aðalsteinsson gítarleikari og söngvari, Haukur Þór Jóhannsson bassaleikari, Heimir Örn Hólmarsson trommuleikari og Björg Viggósdóttir hljómborðs- og bassaleikari skipuðu þá sveitina. Sveitin komst ekki í úrslit tilraunanna. Að Músíktilraunum loknum spiluðu Leggöng tunglsins nokkuð ört en síðar á…
Leggöng tunglsins – Leggöng tunglsins [demo] Útgefandi: – Útgáfunúmer: [engar upplýsingar] Ár: 1999 1. [engar upplýsingar um efni] Flytjendur Leggöng tunglsins – engar upplýsingar
Hljómsveit sem bar nafnið Lego (Legó) starfaði á árunum 1982-83. Legó var líkast til starfandi innan Menntaskólans við Hamrahlíð og var Valtýr Björn Thors meðal meðlima hennar en ekki liggja fyrir frekari upplýsingar um liðskipan hennar eða hljóðfæraskipan, og er því hér með óskað eftir þeim.
Sveit sem keppti í Músaíktilraunum 1989. Garðar Hinriksson var söngvari þessarar sveitar. Aðrir meðlimir voru Sigurður Ólafsson trommuleikari, Vilhjálmur Ólafsson bassaleikari og Sigurjón Alexandersson gítarleikari. Leiðtogarnir komu úr Reykjavík.
Söngkvartettinn Leikbræður (1945-1955) átti að mestu rætur sínar að rekja til Dalasýslu en þrír fjórðu hans voru Dalamenn, þeir Friðjón Þórðarson (síðar alþingismaður og ráðherra), bræðurnir Torfi Magnússon og Ástvaldur Magnússon (faðir Þorgeirs Ástvaldssonar) en sá fjórði, Gunnar Einarsson var Reykvíkingur. Leikbræður voru í raun stofnaðir 1945 en voru ekki áberandi í upphafi enda sungu…
Leikbræður [78 sn.] Útgefandi: Tónika Útgáfunúmer: P 113 Ár: 1954 1. Borgin við sæinn 2. Fiskimannaljóð frá Capri Flytjendur Friðjón Jóhannsson – söngur Gunnar Einarsson – söngur Ástvaldur Magnússon – söngur Torfi Magnússon – söngur Tríó Magnúsar Péturssonar – Erwin Koeppen – kontrabassi – Magnús Pétursson – píanó – Eyþór Þorláksson – gítar Leikbræður [78 sn.] Útgefandi:…
Leikhústríóið var hljómsveit sem starfaði veturinn 1973-74 í Leikhúskjallaranum. Engar upplýsingar er að finna um meðlimi tríósins en Hjördís Geirsdóttir var söngkona þess.
Leiktríóið var stofnað til þess einungis að leika í Þjóðleikhúskjallaranum og starfaði um nokkurra mánaða skeið árið 1960. Tríóið var stofnað í byrjun árs og hafði að geyma Ólaf Gauk Þórhallsson gítarleikara, Hrafn Pálsson píanóleikara og Kristinn Vilhelmsson bassaleikara en sá síðast nefndi var titlaður hljómsveitarstjóri. Hann hafði þá áður stýrt Neo-tríóinu. Svanhildur Jakobsdóttir söngkona (þá…
Leiktríóið hið síðara starfaði í Þórscafé 1976 en engar upplýsingar er að finna um þetta tríó.
Hljómsveitin Lemon (upphaflega hét sveitin Hauslausir) var skammlíf sveit, stofnuð upp úr Spoon (eins og önnur sveit, Kirsuber) og náði að eiga lag á safnplötunni Ís með dýfu, sem kom út sumarið 1995. Meðlimir Lemon voru Höskuldur Ö. Lárusson gítarleikari, Stefán Sigurðsson bassaleikari og Hreiðar Júlíusson trommuleikari en Sesselja Magnúsdóttir söng einnig með þeim í…
Hljómsveitin Lena lék á skemmtistöðum höfuðborgarsvæðisins 1976. Sævar Sverrisson gæti hafa verið í þessari sveit.
Grungesveitin Less is more úr Breiðholtinu spilaði nokkrum sinnum opinberlega vorið 1994 en varð ekki langlíf. Engar upplýsingar finnast um hverjir skipuðu þessa sveit eða um sögu hennar og tilurð að öðru leyti.
Leprous var starfandi sumarið 1991 og var hluti af dauðarokksenunni sem þá gekk yfir. Sveitin var líkast til skipuð fremur ungum meðlimum og var skammlíf. Engar upplýsingar er að finna um meðlimi sveitarinnar en þær væru vel þegnar.
Hljómsveit var starfandi í Ólafsvík 1971 og 72 undir nafninu Lexía. Upplýsingar um þessa sveit eru fremur takmarkaðar en meðlimir hennar árið 1971 voru Örn Guðmundsson gítarleikari, Sveinn Þór Elingbergsson trommuleikari, Sigurður Egilsson bassaleikari og Valur Höskuldsson söngvari. Lexía var að líkindum skammlíf sveit.
Glatkistan 