Afmælisbörn 30. nóvember 2014

Halldór Fannar[2]

Halldór Fannar

Hér eru afmælisbörn dagsins:

Pálína Vagnsdóttir söngkona frá Bolungarvík er fimmtug, hún er af mikilli tónlistarfjölskyldu frá Bolungarvík, söng m.a. með hljómsveitinni Septu og hefur sungið inn á nokkrar plötur.

Höskuldur Örn Lárusson söngvari og gítarleikari Spoon er 45 ára. Hann hefur verið í fjölmörgum öðrum hljómsveitum og má þar m.a. nefna Mikka ref, Munka í meirihluta og Lemon.

Sigurður Markan söngvari (1899-1973) átti afmæli á þessum degi, hann söng inn á nokkrar 78 snúninga plötur árið 1930.

Einnig hefði Halldór Fannar Ellertsson söngvari og hljómborðsleikari (Röðlar, Straumar, Fjötrar o.fl.) (f. 1950) átt afmæli á þessum degi en hann lést 1996.