Lítill kór eða sönghópur (tvöfaldur kvartett) gekk undir nafninu Tónabræður og starfaði að líkindum á árunum 1991-2008. Tónabræður gætu hafa verið stofnaðir að frumkvæði Gunnars H. Stephensen en hópurinn söng við ýmsar athafnir eins og jarðarfarir en einnig við stærri tækifæri eins og á Íslendingahátíð í Svíþjóð 1994 í tilefni af fimmtíu ára afmælis lýðveldisins.…
Hljómsveitin Tónabræður var starfandi í Reykjavík á fyrri hluta níunda áratugar síðustu aldar. Þessi sveit var ekki langlíf en innihélt m.a. nokkra aðila sem áttu sér rætur í pönkinu, þá Hrafnkel Sigurðsson, Hallkel Jóhannsson, Árna Pál Jóhannsson, Pjetur Stefánsson, Hörð Bragason, Óskar Jónasson og Kormák Geirharðsson. Sveitin ku hafa verið skilgreind sem gervidjassband og hafa…
Starfsfólk hljóðfæraverslunarinnar Tónabúðarinnar mun hafa spilað við ýmis tækifæri undir nafninu Tónabræður, a.m.k. árið 2005. Meðal líklegra meðlima má nefna Jón Kjartan Ingólfsson (Stuðkompaníið o.fl.) og Sigfús Óttarsson trommuleikara (Baraflokkurinn o.m.fl.)
Hljómsveitin Tónatríóið (einnig nefnt Tríó Arnþórs Jónssonar / Tríó Adda rokk) starfaði allan sjötta áratug tuttugustu aldarinnar og eitthvað fram á þann áttunda undir styrkri stjórn Arnþórs Jónssonar (Adda rokk) söngvara en hann lék líklega einnig á gítar eða bassa. Yfirleitt var um tríó að ræða en stundum var sveitin þó skipuð fjórum mönnum. Þá léku…
Hljómsveitin Tónik (Tónik kvintett) var stofnuð af Elfari Berg píanóleikara (Lúdó sextett o.fl.) í ársbyrjun 1961. Aðrir meðlimir voru Björn Björnsson trommuleikari, Guðjón Margeirsson bassaleikari, Gunnar Sigurðsson gítarleikari, Jón Möller básúnuleikari og Englendingurinn Colin Porter söngvari. Fyrst um sinn lék sveitin í Vetrargarðinum og síðar víðar en hún var ýmist nefnd Tónik eða Tónik kvintett…
Hljómsveitin Tónik spilaði á öldurhúsum borgarinnar veturinn 1994-95. Engar upplýsingar liggja fyrir um þessa sveit.
Hljómsveit með þessu nafni var hugsanlega starfandi sumarið 1961 á sama tíma og Tónik[1] starfaði. Þessi sveit var auglýst undir nafninu (hinn nýi) Tónik kvintett í blöðunum en meðlimir voru að því er virðist allt aðrir, Sigurður Johnny söngvari, Astrid Jensdóttir söngkona, Pétur [?], Tryggvi [?], Rafn [?], Sveinn [?] og Donald [Walker bassaleikari?]. Sveitin…
Tónika var útgáfufyrirtæki tónlistarmannanna Svavars Gests og Kristjáns Kristjánssonar (KK) en samhliða plötuútgáfa starfrækti fyrirtækið hljóðfæraverslunina Músíkbúðina þar sem m.a. voru seldar hljómplötur. Fyrirtækið var stofnað 1953 en fyrsta platan kom út árið eftir. Tónika sem útgáfufyrirtæki, starfaði í tvö ár og gaf út á þeim tíma tuttugu og fjóra titla, allt litlar tveggja laga…
Vestmannaeyska pönkrokksveitin Tranzlokal var stofnuð 2005 upp úr hljómsveitunum Lonesher og Pacific, og var upphaflega skipuð þeim Guðmundi Óskari Sigurmundssyni söngvara og gítarleikara, Daníel Andra Kristinssyni bassaleikara, Pétri [?] gítarleikara og Sæþóri Þórðarsyni trommuleikara. Árið eftir (2006) keppti sveitin í Músíktilraunum og komst í úrslit þeirrar keppni. Þá hafði Arnar Sigurðsson tekið við gítarnum af Pétri.…
Hljómsveitin Trekant kom úr Reykjavík sem keppti í Músíktilraunum 1999. Ingólfur Magnússon gítarleikari, Hafþór Helgason trommuleikari og Logi Helguson bassaleikari skipuðu sveitina, sem komst í úrslit. Ekki liggja fyrir frekari upplýsingar um sveitina.
Hljómsveitin Trinity frá Selfossi starfaði á níunda áratug síðustu aldar en hún var skipuð ungum tónlistarmönnum. Sveitin var stofnuð haustið 1980 og þá voru meðlimir hennar líklega allt niður í tíu ára gamlir, þeir félagar áttu svo eftir að leika á skólaböllum um nokkurra ára skeið og starfaði sveitin að líkindum til ársins 1986. Meðlimir…
Um Tríó Jakobs Lárussonar er lítið að finna, ein heimild segir sveitina hafa gengið undir nafninu Konkúrrantarnir en sveitin mun hafa starfað á Siglufirði 1937, væntanlega í tengslum við fjölskrúðugt mannlíf þar á síldarárunum. Tríóið skipaði Jakob Lárusson (sem að öllum líkindum lék á píanó), Kristján Þorkelsson saxófónleikara og Þórð Kristinsson, ekki er ljóst hvaða…
Hljómsveitin Trubat (Trúbad) keppti í fyrstu Músíktilraunum Tónabæjar og SATT haustið 1982 og starfaði eitthvað fram á árið 1983, hún komst ekki í úrslit tilraunanna. Engar frekari upplýsingar er að finna um hljómsveitina.
Hljómsveitin Trúðurinn var starfrækt í Hagaskóla og Hlíðaskóla á fyrri hluta níunda áratugarins, sveitin sem flokkaði tónlist sína undir pönk eða nýbylgju var stofnuð síðla árs 1981 og starfaði líklega til 1983. Trúðurinn varð einkum þekkt fyrir tvennt á sínum ferli, annars vegar að taka þátt í fyrstu Músíktilraunum Tónabæjar haustið 1982, hún komst þó…
Hljómsveitin TryCorp (Tryggvi Corporation) starfaði í Vestmannaeyjum 2006. Meðlimir sveitarinnar voru Tryggvi Hjaltason söngvari og gítarleikari, Kjartan [?] trommuleikari, Sigurjón Viðarsson hljómborðsleikari og Eyþór [?] bassaleikari. Flestir meðlima Trycorp voru samhliða í annarri Eyjasveit, Stillbirth en litlar upplýsingar er að finna um sveitina.
Hljómsveitin Týról frá Sauðárkróki var nokkuð öflug á ballmarkaðnum norðanlands á níunda áratugnum og var fastur gestur á Sæluvikuhátíð Sauðkræklinga, svo fátt eitt sé nefnt. Týról var stofnuð í ársbyrjun 1982 og starfaði að líkindum í fjögur ár, meðlimir sveitarinnar voru Gunnar Ingi Árnason trommuleikari, Ægir Ásbjörnsson söngvari, gítarleikari og hljómborðsleikari, Eiríkur Hilmisson gítarleikari, Margeir…
Hljómsveitin Tæfurnar starfaði 1985. Allar upplýsingar um hana eru vel þegnar.
Töfraflautan var hljómsveit sem þeir félagar og fóstbræður Jón Ólafsson hljómborðsleikari og Stefán Hjörleifsson gítarleikari starfræktu ásamt Má Elíassyni trommuleikara og Pétri Hjálmarssyni bassaleikara um miðjan níunda áratuginn. Allir sungu þeir félagarnir. Sveitin var stofnuð upp úr Toppmönnum haustið 1984 og spilaði mikið þá um veturinn en varð ekki langlíf því þegar þeir Jón og…
Hljómsveitin Ullarhattarnir var stofnuð árið 2000 og hefur einungis komið fram einu sinni fyrir hver jól og spilar þá létt efni eftir sveitarmeðlimi að mestu en hún er skipuð þekktum tónlistarmönnum. Sveitina skipa Jóhann Hjörleifsson trommuleikari, Friðrik Sturluson bassaleikari, Jón Ólafsson hljómborðsleikari, Eyjólfur Kristjánsson söngvari og gítarleikari og Stefán Hilmarsson söngvari. Meðlimir sveitarinnar koma iðalega…
Uncle Johns‘ band var forveri þeirrar sveitar sem síðar gekk undir nöfnunum Lísa, Hljómsveit Pálma Gunnarssonar og síðast Mannakorn. Sveitin var stofnuð 1969 og innihélt gítarleikarana Magnús Eiríksson og Baldur Má Arngrímsson, Jón Kristin Cortes bassaleikara og Björn Björnsson trommuleikara, Baldur mun hafa sungið í upphafi en síðar sungu Janis Carol og Guðmundur Haukur Jónsson…
Hljómsveitin Undryð var starfandi í kringum aldamótin 2000 og herjaði einkum á pöbbana og sveitaböllin. Sveitin sendi aldamótaárið frá sér fjögurra laga plötu, Kyssulegar varir, en starfaði ekki lengi. Upphaflega hafði Undryð að geyma söngkonu (Elísabetu [?]) en síðar var Brynjar Már Valdimarsson (BMV) söngvari (og gítarleikari) sveitarinnar. Aðrir meðlimir hennar voru Gunnlaugur Óskar Ágústsson…
Undryð – Kyssilegar varir Útgefandi: eigin útgáfa Útgáfunúmer: [án útgáfunúmers] Ár: 2000 1. Betra líf 2. Kyssilegar varir 3. Betra líf (endurhljóðblandað) 4. Án þín Flytjendur Gunnlaugur Óskar Ágústsson – gítar og raddir Þorbergur Skagfjörð Ólafsson – trommur Símon Ólafsson – bassi Brynjar Már Valdimarsson (BMV) – ásláttur, söngur, raddir og gítar
Hljómsveitin Ungir piltar var starfandi í Hafnarfirði á fimmta áratug síðustu aldar, líklegast á árunum 1944-45. Þeir Eyþór Þorláksson gítar- og harmonikkuleikari og Guðmundur Steingrímsson trommuleikari stofnuðu sveitina en þeir voru þá bara um fimmtán ára gamlir, einnig var Matthías Á. Mathiesen með í byrjun. Fljótlega bættist Vilberg Jónsson harmonikkuleikari við og síðar Bragi Björnsson…
Saga hljómsveitarinnar Upplyftingar er nær samfelld frá árinu 1975 og hún telst því vera með eldri sveitum landsins, oft er hún sögð vera frá Samvinnuskólanum á Bifröst – stofnuð þar 1979 eða 80 en hún er nokkrum árum eldri en það og kemur upphaflega frá Hofsósi. Eitt megin einkenni Upplyftingar er, reyndar eins og hjá…
Upplyfting – Kveðjustund 29-6 1980 Útgefandi: SG hljómplötur Útgáfunúmer: SG 132 Ár: 1980 1. Langsigling 2. Kveðjustund 3. Traustur vinur 4. Útrás 5. Upplyfting 6. Lokaður úti 7. Dansað við mánaskin 8. Vor í lofti 9. Finnurðu hamingju 10. Mótorhjól 11. Reikningurinn 12. Angan vordraumsins Flytjendur Gústaf Guðmundsson – trommur Sigurður V. Dagbjartsson – búsúkí, hljómborð, söngur og gítar…
Uxorius er rokksveit, starfandi allavega 1991 og 92 á Dalvík. Vorið 1992 keppti sveitin í Músíktilraunum og þá skipuð þeim Daða Jónssyni söngvara og gítarleikara, Gunnlaugi Jónssyni [Lárussyni?] bassaleikara og Jóni Birni Ríkarðssyni trommuleikara (Brain police). Sveitin komst ekki í úrslit. Engar upplýsingar liggja fyrir um sögu Uxorius.
Út í vorið er söngkvartett, stofnaður 1992 af fjórum söngfélögum í Kór Langholtskirkju, þeim Einari Clausen, Þorvaldi Friðrikssyni, Ásgeiri Böðvarssyni og Halldóri Torfasyni. Signý Sæmundsdóttir hefur raddþjálfað hópinn frá stofnun en hann kom fyrst fram opinberlega í upphafi árs 1993 þegar hann söng í Ríkisútvarpinu. Kvartettinn hefur sungið víða við ýmis tækifæri og hefur ennfremur…
Út í vorið – Kvartettsöngvar Útgefandi: eigin útgáfa Útgáfunúmer: ÚÍV 001 Ár: 1997 1. Enn syngur vornóttin 2. Seljadalsrósin 3. Í Mílanó 4. Persneskt ástarljóð 5. Eitt sinn í æskutíð 6. Blómin frá Amsterdam 7. Mér verður allt að yndi 8. Vögguvísa 9. Mánadísin 10. Bel ami 11. Óli lokbrá 12. Suður um höfin 13. Vögguljóð…
Hljómsveitin Útför Rabba starfaði á Ísafirði á áttunda áratugnum, en sveitin hét áður Perlan. Rafn Jónsson var trommuleikari í henni en ekki liggur fyrir hverjir aðrir voru meðlimir sveitarinnar, eða um tilvist hennar almennt.
Hljómsveitin Úthljóð var fjögurra manna sveit sem um nokkurra mánaða skeið fyrri hluta ársins 1970 skemmti á öldurhúsum Reykjavíkur. Hún var skipuð þeim Gunnari Gunnarssyni trommuleikara, Magnúsi Magnússyni söngvara, Gunnari Herbertssyni bassaleikara og Finnboga Gunnlaugssyni gítarleikara. Sveitin var hætt störfum um sumarið.
Akureyska hljómsveitin Úthljóð starfaði í nokkra mánuði árið 1971 en sveitin bar sama nafn og önnur sunnlensk nokkrum mánuðum fyrr. Hin norðlenska sveit með söngkonuna Erlu Stefánsdóttur í broddi fylkingar var að öðru leyti skipuð þeim Örvari Kristjánssyni harmonikkuleikara, Rafni Sveinssyni trommuleikara, Grétari Ingimarssyni og Gunnari Tryggvasyni en sá síðast taldi lék líklega á bassa.…
Útlendingahersveitin var hljómsveit starfandi á Patreksfirði 1982 og 83. Meðlimir hennar voru Sævar Árnason gítarleikari, Davíð Hafsteinsson trommuleikari og Kristófer Kristófersson bassaleikari. Þannig skipuð starfaði sveitin til vorsins 1983 en þá bættist Kolbeinn Þorsteinsson gítarleikari í hópinn og var nafni sveitarinnar breytt í Hersveitin
Djasssveitin Útlendingahersveitin var stofnuð 1992 og kom fyrst fram opinberlega á RúRek djasshátíðinni það sama ár. Nafn sitt hlaut sveitin af því að flestir meðlimir hennar bjuggu erlendis, en þeir voru Árni Scheving víbrafónleikari, Þórarinn Ólafsson píanóleikari, Jón Páll Bjarnason gítarleikari, Árni Egilsson kontrabassaleikari og Pétur Östlund trommuleikari. Átta ár liðu áður en Útlendingahersveitin kom…
Útlendingahersveitin [2] – Útlendingahersveitin / The foreign legion Útgefandi: Japis Útgáfunúmer: JAP 0078-2 Ár: 2000 1. Nína 2. Ice 3. Geysir 4. The rivers 5. Des flauves impassibles 6. Casa del alcalde 7. Litfríð og ljóshærð 8. Suðurnesjamenn 9. Morning 10. Say what Flytjendur Jón Páll Bjarnason – gítar Þórarinn Ólafsson – píanó Pétur Östlund –…
Hljómsveitin Útlendu aparnir úr Vestmannaeyjum var eins konar undanfari The Foreign monkeys sem sigraði Músíktilraunir 2006. Líklega er þó ekki um að ræða sömu sveitina, þeir Bogi Rúnarsson bassaleikari og Gísli Stefánsson gítarleikari (báðir úr Foreign monkeys) voru í henni en ekki liggur fyrir hverjir aðrir skipuðu þessa sveit.
Hljómsveitin Útlendingarnir var starfandi 2006 og var með einhverju djassívafi. Þetta var tríó skipað þeim Óskari Guðjónssyni saxófónleikara, Scott McLemore trommuleikara og Simon Jermyn bassaleikara. Að öllum líkindum hafa þeir einungis komið saman þetta eina ár.
Hljómsveitin Útópía var stofnuð 1998 og kom upphaflega frá Dalvík og Akureyri. Meðlimir sveitarinnar komu úr ýmsum böndum, m.a. Exit, Flow, Tombstone o.fl. Sveitin lét fljótlega að sér kveða og tók þátt í hljómsveitakeppninni Rokkstokk í Reykjanesbæ árið 1999. Þar komst Útópía í úrslit og komu út tvö lög með henni á safnplötunni Rokkstokk 1999,…
Útópía – Efnasambönd Útgefandi: eigin útgáfa Útgáfunúmer: UT 01 Ár: 2000 1. Þú veist að ég er… 2. Litir og ljós 3. Sólmyrkvi 4. Týnda lagið 5. Sameinumst himninum 6. Komdu á flug 7. Súrefnislaus 8. Brotlending 9. Allt um kring 10. Óskaveggurinn 11. Upphaf í endi Flytjendur Matthías Stefánsson – fiðla Kristján Már Ólafsson –…
Hljómsveit sem stofnuð var upp úr rústum annarrar, Nú-jæja, frá Hellissandi 1973. Meðlimir hinnar fyrri sveitar voru Pálmi Almarsson gítarleikari, Eggert Sveinbjörnsson trommuleikari og Benedikt Jónsson orgelleikari en auk þeirra bættist nú í hópinn Sigurður Egilsson bassaleikari (Lexía). 1974 kom Ægir Þórðarson gítarleikari í sveitina og spilaði hún víða um land allt til 1976 þegar…
Útrás var rokkhljómsveit úr Kópavogi, hún tók m.a. þátt í fyrstu Músíktilraunum Tónabæjar sem haldnar voru haustið 1982. Sveitin komst ekki áfram í úrslitin. Meðlimir Útrásar voru Þórður Ísaksson gítarleikari, Aðalsteinn Bjarnþórsson gítarleikari, Guðbrandur Brandsson söngvari, Bjarni Þór Bragason trommuleikari og Bjarni Friðriksson bassaleikari. Ekki liggur fyrir hvort fleiri meðlimir komu við sögu sveitarinnar.
Útvarpsstöðin Útrás var starfrækt í árdaga frjáls útvarpsreksturs á Íslandi. Hún var stofnuð 1986 og rekin af Félagi framhaldsskólanema allt til ársins 1993, íslenskri jaðartónlist var þar gert nokkuð hátt undir höfði. Útvarpsþátturinn Party zone sem enn er í loftinu á Rás 2 og var til skamms tíma á X-inu, er þekktasta afurð Útrásar en…
Spunasveitin Úþð var starfandi 2006. Engar upplýsingar liggja fyrir um meðlimi hennar eða starfsemi.
VDE-066 var rafdúett þeirra Jóns Berg Jóhannessonar og Heiðars Inga Kolbeinssonar úr Hafnarfirði, sem keppti í Músíktilraunum Hins hússins árið 2000. Þeir komust ekki í úrslit en störfuðu eitthvað áfram. Þeir komu t.a.m. fram 2003 og spiluðu á Iceland airwaves 2004.
Hljómsveitin Veggfóður frá Grindavík var starfandi fyrir og um aldamótin 2000. Sveitin tók þátt í Rokkstokk hljómsveitakeppninni í Keflavík og kom út lag með sveitinni á safnplötunni Rokkstokk 1999, sem gefin var út í tengslum við þá keppni. Ári síðar keppti sveitin síðan í Músíktilraunum en komst ekki í úrslit. Meðlimir Veggfóðurs voru þá Arnar…
Hljómsveitin Venus var að öllum líkindum stofnuð 1975 og innihélt söngkonuna Mjöll Hólm. Aðrir meðlimir sveitarinnar voru Torfi Ólafsson söngvari og bassaleikari (sjá Kvöldvísa o.fl.), Sævar Árnason gítarleikari, Skúli Magnússon trommuleikari og Júlíus Sigmundsson hljómborðsleikari. Venus starfaði eitthvað fram yfir áramót 1976-77.
Vesturbæingar er hljómsveit starfandi 1991 og átti það árið lag á safnplötunni Húsið sem gefin var út til styrktar Krýsuvíkursamtökunum. Söngvari sveitarinnar á þeirri plötu var Fríða María Harðardóttir en ekki var getið um aðra meðlimi sveitarinnar.
Nýbylgjusveitin Vébandið frá Keflavík, starfaði um tveggja ára skeið á árunum 1981-83 og var meðal þeirra sveita sem kepptu í fyrstu Músíktilraunum Tónabæjar og SATT haustið 1982, hún komst ekki í úrslit en vakti nokkra athygli og lék á fjölmörgum tónleikum á höfuðborgarsvæðinu um þetta leyti. Vébandið var stofnað af Ragnari Júlíusi Hallmannssyni trommuleikara, Georg…
Victor Urbancic (fæddur Urbantschitssch) var Austurríkismaður (f. 1903) sem fluttist til Íslands á vegum Tónlistarfélags Reykjavíkur 1938 en hann flúði hingað til lands undan nasistum. Victor hafði lagt stund á píanó- og orgelleik í Vín auk hljómfræði, og hafði m.a. stjórnað skólahljómsveit þar og komið fram bæði sem einleikari og leikið í hljómsveitum í Austurríki,…
Hljómsveitin Við erum menn (úr Borgarnesi) var starfandi 1990 og keppti það vorið í Músíktilraunum Tónabæjar. Sveitina skipuðu þeir Brandur S. Brandsson gítarleikari, Sigmar P. Egilsson söngvari, Baldvin J. Kristinsson hljómborðsleikari, Sigurdór Guðmundsson bassaleikari og Jón M. Harðarson trommuleikari. Sveitin komst ekki í úrslit.
Þegar hljómsveitarnafnið Vikivaki heyrist kviknar sjálfsagt ekki á perunni hjá mörgum Íslendingum í dag en þessi sveit var íslensk-sænsk og starfaði um árabil í Svíþjóð þar sem hún gerði garðinn frægan, og reyndar víða. Heimildir um sveitina eru litlar og því stiklað á stóru hér en nokkuð vantar inn á milli og verður því að…
Glatkistan 